Құрметті референдумға қатысушылар!

2026 жылғы 15 наурызға тағайындалған республикалық референдум бойынша ақпараттандыру жалғасуда. 

Қазіргі таңда республикалық референдум туралы толық ақпарат қамтылған байланыс операторларының SMS-хабарламалары мен Egov mobile, екінші деңгейлі банктердің мобильді қосымшалары арқылы PUSH-хабарламалардың екінші легі жүруде. 

Сонымен қатар республикалық референдумда дауыс беру үшін Қазақстан Республикасының азаматтары өз учаскесін келесі тәсілдер арқылы біле алады:

1. Жоғарыда көрсетілген QR-кодты сканерлеу арқылы азаматтар сайттың арнайы бөліміне өтіп, онда ЖСН енгізу арқылы өз референдум учаскесін анықтай алады.

2. ЖСН енгізу арқылы өз референдум учаскесін табу келесі сілтемелер бойынша да қолжетімді:

https://www.gov.kz/referendum?lang=kk

https://referendum2026.gov.kz/kk

https://referendum.gov.kz/kk.

3. Референдумға қатысушыларға кеңес беру үшін Call-орталықтар жұмыс істейді. Call-орталықтар туралы ақпараттар әкімдіктердің ресми интернет-ресурстарында жарияланған.

4. Дауыс беру күні өзінің тіркелген жерінен тыс жерге баратын болса, 2026 жылғы 14 наурызда сағат 18:00-ге дейін есептен шығару куәлігін алу арқылы дауыс беруге құқылы. Куәлікті алу тәртібі туралы төмендегі сілтеме бойынша танысуға болады: https://www.election.gov.kz/kaz/news/releases/index.php?ID=10014.

Әрқайсымыздың дауысымыз маңызды! 

Қазақстан Республикасының Орталық референдум комиссиясы