Орталық сайлау комиссиясының Төрағасы Оңалсын Жұмабеков ҚР Президенттігіне кандидат Жармахан Тұяқбайдың сайлауалды штабы жетекшісінің орынбасары Ораз Жандосовты қабылдады

2005 жылғы 22 қарашада Орталық сайлау комиссиясының Төрағасы Оңалсын Жұмабеков Президенттікке кандидат Жармахан Тұяқбайдың сайлауалды штабы жетекшісінің орынбасары Ораз Жандосовты Жармахан Тұяқбайдың өтініші бойынша және Орталық сайлау комиссиясы Төрағасының Қазақстан Республикасы Президенттігіне кандидаттарды және олардың сайлауалды штаб жетекшілерін қабылдау жөніндегі бұған дейін белгіленген қабылдау тәртібіне сәйкес қабылдады.
Кездесу барысында Ораз Жандосов Қазақстан Республикасы Президенттігіне кандидаттардың сенім білдірілген адамдарына учаскелік сайлау комиссиялары хаттамалары көшірмелерін беру туралы және сайлау болатын күні тиісті сайлау комиссияларының сайлау құжаттарын тапсыруы, Орталық сайлау комиссиясы қабылдауының нақты мерзімін анықтауы туралы бірқатар мәселелерді қозғады.
Оңалсын Жұмабеков Жандосов мырзаның тарапынан айтылған ұсыныстардың сайлау заңнамалары аясында қаралатынын атап айтты.