Қазақстанның барлық облыстарында шет мемлекеттердің, халықаралық ұйымдардың байқаушыларына, шетелдік бұқаралық ақпарат құралдарының журналистеріне жәрдемдесу Орталықтары құрылды

Орталық сайлау комиссиясының ұсынымы бойынша барлық облыс орталықтарында және Астана мен Алматы қалаларында Қазақстан Республикасы Президентін сайлауды ұйымдастыру және өткізу кезеңінде шет мемлекеттердің, халықаралық ұйымдардың байқаушыларына, сондай-ақ шетелдік бұқаралық ақпарат құралдарының өкілдеріне арналған жәрдемдесу Орталықтары құрылды. Барлық Орталықтар көшіру және көбейту техникасымен, компьютерлер және байланыс құралдарымен қамтамасыз етілген. Байқаушыларға ұйымдастыру мәселелерін шешуде көмек көрсету үшін Жәрдемдесу Орталықтарына жұмысқа волонтерлер тартылып отыр.
Қазіргі уақытта ұзақмерзімдік байқаушылар өңірлерге келіп, өз өкілеттіктерін орындауға кірісуде.
Орталық сайлау комиссиясы 2005 жылдың 3 қарашасына дейін шет мемлекеттер мен халықаралық ұйымдардан келген 190 байқаушыны тіркеді. Олардың 44-ЕҚЫҰ/АҚДИБ Миссиясынан, 49 - ТМД Миссиясынан, 31 - халықаралық ұйымдардан, 15 - ТМД елдеріндегі сайлауды байқау жөніндегі Халықаралық Автономды Коммерциялық емес Ұйымының Миссиясынан (CIS-EMO), 66 - шет мемлекеттерден. Шет мемлекеттердің, халықаралық ұйымдардың байқаушыларын және шетелдік бұқаралық ақпарат құралдары журналистерін тіркеу 2005 жылғы 28 қарашада аяқталады.