2005 жылғы 18 қарашада Қазақстан Республикасы Орталық сайлау комиссиясының Төрағасы Оңалсын Жұмабеков Елші, ЕҚЫҰ/ДИАҚБ Миссиясының Басшысы Одри Гловермен кездесті.
Кездесу барысында Қазақстан Республикасы Президенті сайлауын дайындау және өткізу мәселелері, сондай-ақ Республикадағы ЕҚЫҰ/ДИАҚБ Миссиясының қызметі талқыланды.
Оңалсын Жұмабеков кездесу кезінде Қазақстан Республикасының Орталық сайлау комиссиясы Қазақстан Республикасы Президентін сайлау бойынша жұмыстарды Республика өзіне қабылдаған демократиялық, еркін, бәсекелі және айқын сайлау өткізу туралы міндеттемелеріне сәйкес жүргізіп жатқанын атап айтты.
Сондай-ақ тараптар ЕҚЫҰ/ДИАҚБ Миссиясының ҚР Президенті сайлауы бойынша аралық есебіндегі кейбір ережелерді талқылады және өзара ықпалдастықты нық қалыптасқан үйлесімді әріптестік рухында жалғастыру туралы келісімге келді.