Сайлау корытындысының әділдігіне және Нұрсұлтан Назарбаевтың шын мәнінде өзіне берілген дауыстар арқылы жеңіп шығуға қабілетті екенінде ешқандай күмән жоқ... Президенттік сайлаудың өткізілуі былтырғы парламенттік сайлаумен салыстырғанда әлде қайда жақсарған. Сайлау процессі тыныш, бейбіт жағдайда өтті.
Халықаралық Мониторинг Бюросы 2005 жылғы 4 желтоқсанда өткен сайлауды жалпы алғанда заңды және халықаралық демократиялық стандарттарға сәйкес деп бағалайды. Сайлаудың демократиялық түрде өткендігіне халықтың еркін таңдауы, сайлаушылырдың сайлауға келуінің жоғары болуы және халықаралық байқаушылардың көптігі дәлел.
Қазақстанда тұрақтылық жеңіске жетті... Егер Қазақстандағы сайлауға тарихи перспектива тұрғысынан қарайтын болсақ, Ресей патшалығы кезінде де, кеңес уақытында да мұнда ешқандай демократиялық рәсімдер болмағанын айта кету керек. Осы тұрғыдан алғанда, қазақ сайлауы Орта Азиядағы ең ашық сайлаулардың бірі болды.
Осы сайлау жалпы алғанда заңға сәйкес өткендігіне сенімдіміз және заңды деп танылуы тиіс деп есептейміз. Яғни, сайлау Қазақстан Республикасы заңнамаларының рухы мен ұстанымына сәйкес. Сайлау барысында таңдау жасау еркіндігін, сайлау учаскелерінде дауыстарды санау және дауыс беру қорытындыларын шығаруды бақылауды қамтамасыз ететін негізгі ережелер сақталды.
Миссия сайлау үрдісі барысында ешқандай да бір тәртіп бұзушылықтар мен қақтығыстардың болмағандығына өзінің қанағаттанатынын білдіреді. Дауыс беру және дауыстарды санау процессін бұзуға ешкім тырысқан жоқ.
Біздің байқаушылар қатысқан сайлау учаскелерінде сайлау корытындыларын шығару, сондай-ақ хаттамаларды аумақтық және округтік комиссияларға тапсырыру барысында бұрмалау фактілері орын алмағандығын атаймыз.
Шығыс Еуропа және ТМД елдері Институтының ресми халықаралық байқаушылар миссиясы (ИВЕС) Қазақстандағы президент сайлауы - 2005 үрдісі, Қазақстан азаматтарының еркін таңдау жасауының барлық халықаралық сайлау құқығы нормаларына сәйкес демократиялық акті болды деп есептейді.
ТМД Парламентаралық ассамблеясы байқаушыларының бағалауы бойынша және Ислам конференциясы Ұйымының пікіріне қарағанда, Қазақстандағы сайлау жалпыға бірдей қабылданаған стандарттарға сәйкес ұйымдастырылған. Бұл тұжырымды сайлауға қатысқан оппозиционер кандидаттар да мойындады.