2007 жылы 18 тамызға тағайындалған Қазақстан Республикасы Парламенті Мәжілісі депутаттарының кезектен тыс сайлауын және маслихаттары депутаттарының кезекті сайлауын өткізу кезінде электрондық сайлау жүйесі пайдаланылатын сайлау учаскелерін айқындау туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12, 50-1-баптарына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:
1. 2007 жылы 18 тамызға тағайындалған Қазақстан Республикасы Парламенті Мәжілісі депутаттарының кезектен тыс сайлауы мен маслихаттары депутаттарының кезекті сайлауын өткізу кезінде электрондық сайлау жүйесі пайдаланылатын сайлау учаскелері қосымшаға сәйкес айқындалсын.
2. «2005 жылы Қазақстан Республикасы Президентінің кезекті сайлауын өткізу кезінде электрондық сайлау жүйесі пайдаланылатын сайлау учаскелерін айқындау туралы» Қазақстан Республикасы Орталық сайлау комиссиясының 2005 жылғы 28 қыркүйектегі № 23/49 қаулысының күші жойылды деп есептелсін.
3. Дауыс беруге арналған үй-жайдан тыс жерде дауыс беру кезінде электрондық сайлау жүйесі пайдаланылмайтын болып белгіленсін.
4. Учаскелік сайлау комиссиялары электрондық сайлау жүйесі пайдаланған кезде сайлаушыларға дауыс беру тәсілін таңдау құқын беретін болсын.
5. Осы қаулы облыстардың, Астана, Алматы қалаларының әкімдеріне, облыстық, Астана, Алматы қалаларының сайлау комиссияларына жіберілсін.

Қазақстан Республикасы
Орталық сайлау комиссиясының
Төрағасы

Қ. Тұрғанқұлов

Қазақстан Республикасы
Орталық сайлау комиссиясының
Хатшысы

Б. Мелдешов

Астана қ. 2007 жылғы 25 маусым
№90/172