«Қазақстан Республикасындағы сайлау туралы» Қазақстан Республикасы Конституциялық заңының 12-бабына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:
1. «Қазақстан Республикасындағы сайлау туралы» Қазақстан Республика-сының Конституциялық заңында белгіленген тәртіппен сайлау комиссиясын құратын орган жаңа мүшелерін сайлағанға дейін Маңғыстау облысы Мұнайлы аудандық сайлау комиссиясының мүшелері болып: Амандық Қалиұлы Алдаберген, зейнеткер, Лейла Құдайбергенқызы Болысова, «Кедентранс-сервис» АҚ заңгері, Нұрлыбек Бергенғұлұлы Жолбаев, «Маңғыстау Жылу» МКК директоры, Альфия Қазбекова, «Батыстық» жолаушылар тасымалдау басқармасы аймақтық филиалының нарядшысы, Бақытжан Жолмырзаұлы Қалымбетов, «Ғасыр Маңғыстау» ЖШС бөлім бастығы, Зейнеп Жұмағалиқызы Тастемірова, № 26 орта мектептің мұғалімі, Жанар Жақсылыққызы Тулепова, № 14 локомотив сервис-орталығының аудармашысы тағайындалсын.
2. Маңғыстау облысының Мұнайлы аудандық сайлау комиссиясы:
1) аудандық мәслихаттың депутаттарын сайлау жөніндегі бір мандаттық аумақтық сайлау округтерін, Қазақстан Республикасы Орталық сайлау комиссиясының 1999 жылғы 8 шілдедегі № 12/201 қаулысына сәйкес мөлшерде «Қазақстан Республикасындағы сайлау туралы» Қазақстан Респуб-ликасы Конституциялық заңының 21-бабы 2-тармағында белгіленген шарт-тарды сақтай отырып, құратын болсын;
2) «Қазақстан Республикасындағы сайлау туралы» Қазақстан Республи-касының Конституциялық заңында белгіленген тәртіппен сайлау комиссиясын құратын орган жаңа мүшелерін сайлағанға дейін тиісті округтік сайлау комиссияларының мүшелерін тағайындасын.
3. Осы қаулы Маңғыстау облыстық сайлау комиссиясына, Маңғыстау облыстық мәслихатына жіберілсін.
4. Осы қаулы 2007 жылғы 1 шілдеден бастап қолданысқа енгізіледі.
5. Осы қаулы бұқаралық ақпарат құралдарында жариялансын.

Қазақстан Республикасы
Орталық сайлау комиссиясының
Төрағасы

Қ. Тұрғанқұлов

Қазақстан Республикасы
Орталық сайлау комиссиясының
Хатшысы

Б. Мелдешов

Астана қ. 2007 жылғы 25 маусым
№90/168