2007 жылғы 18 тамызға тағайындалған, Қазақстан Республикасы Парламенті Мәжілісінің депутаттарын кезектен тыс сайлау және мәслихаттарының депутаттарын кезекті сайлау жөніндегі кейбір сайлау құжаттарының нысандарын белгілеу туралы

«Қазақстан Республикасындағы сайлау туралы» Қазақстан Республикасы Конституциялық заңының 12-бабы 6) тармақшасының негізінде Қазақстан Республикасының Орталық сайлау комиссиясы ҚАУЛЫ ЕТЕДІ:
1. 2007 жылғы 18 тамызға тағайындалған, Қазақстан Республикасы Парламенті Мәжілісінің депутаттарын кезектен тыс сайлау және мәслихаттарының депутаттарын кезекті сайлау жөніндегі мынадай сайлау құжаттарының:
1) дауыс беруге арналған сайлау учаскесін ашу туралы учаскелік сайлау комиссиясы хаттамасының (1- қосымша);
2) дауыс беруді бастау мен аяқтаудың басқа уақытын белгілеу туралы сайлау комиссиясы шешімінің (2 - қосымша);
3) дауыс беру кез келген уақытта аяқталуы мүмкін сайлау учаскелерінің тізбесін бекіту туралы сайлау комиссиясы шешімінің (3 - қосымша) нысандары белгіленсін.
2. Осы қаулы облыстық, Астана және Алматы қалаларының сайлау комиссияларына жіберілсін.

Қазақстан Республикасы
Орталық сайлау комиссиясының
Төрағасы

Қ. Тұрғанқұлов

Қазақстан Республикасы
Орталық сайлау комиссиясының
Хатшысы

Б. Мелдешов

Астана қ. 2007 жылғы 14 шілде
№94/192