2007 жылғы 18 тамызға тағайындалған, төртінші шақырылатын, партиялық тізімдер бойынша сайланатын Қазақстан Республикасы Парламенті Мәжілісі депутаттарының кезектен тыс сайлауында және мәслихаттары депутаттарының кезекті сайлауында дауыс беруді ұйымдастырудың кейбір мәселелері

«Қазақстан Республикасындағы сайлау туралы» Қазақстан Республикасының Конституциялық заңының 12 және 41-баптарына, «Әскери қызметшілер мен олардың отбасы мүшелерінің мәртебесі және оларды әлеуметтік қорғау туралы» Қазақстан Республикасы Заңының 1-бабына, Қазақстан Республикасы Үкіметінің 2000 жылғы 12 шілдедегі № 1063 қаулысымен бекітілген Қазақстан Республикасының халқын құжаттандыру және тіркеу Ережесіне, Қазақстан Республикасы Үкіметінің 2006 жылғы 5 мамырдағы № 371 қаулысымен бекітілген Қазақстан Республикасында әскери міндеттілер мен әскерге шақырылушыларды әскери есепке алуды жүргізу тәртібі туралы ережеге сәйкес, Қазақстан Республикасы азаматтарының жалпыға бірдей белсенді сайлау құқығын іске асыру мақсатында Қазақстан Республикасы Орталық сайлау комиссиясы ҚАУЛЫ ЕТЕДІ:
1. 2007 жылғы 18 тамызға хабарланған, төртінші шақырылатын, партиялық тізімдер бойынша сайланатын Қазақстан Республикасы Парламенті Мәжілісі депутаттарының кезектен тыс сайлауында және мәслихаттары депутаттарының кезекті сайлауында сайлау бюллетеньдері сайлаушыларға сайлаушылардың тізімдері негізінде сайлаушының жеке басын куәландыратын мынадай құжаттарды, атап айтқанда: жеке куәлігін, уақытша жеке куәлігін және Қазақстан Республикасы азаматының төлқұжатын, ал сондай-ақ шақыру бойынша әскери қызметін өтеп жүрген әскери қызметшілерге әскери билетін, уақытша куәлігін көрсетуі бойынша берілетін болып белгіленсін.
2. Осы қаулы облыстық, Астана және Алматы қалалық сайлау комиссияларына жіберілсін.
3. Облыстық, Астана және Алматы қалалық сайлау комиссиялары осы қаулыны төмен тұрған аумақтық, сондай-ақ учаскелік сайлау комиссияларының назарына жеткізсін.
4. Осы қаулы бұқаралық ақпарат құралдарында жариялансын.

Қазақстан Республикасы
Орталық сайлау комиссиясының
Төрағасы

Қ. Тұрғанқұлов

Қазақстан Республикасы
Орталық сайлау комиссиясының
Хатшысы

Б. Мелдешов

Астана қ. 2007 жылғы 14 шілде
№94/193