Төртінші шақырылатын Қазақстан Республикасы Парламенті Мәжілісі депутаттарының кезектен тыс сайлауына шет мемлекеттер мен халықаралық ұйым байқаушыларын аккредиттеудің күшін жою туралы

Қазақстан Республикасы Сыртқы істер министрлігінің 2007 жылғы 8 тамыздағы № 16-3/1441, 2007 жылғы 9 тамыздағы № 19-1-1/1304 және № 09-1-2/2873 хаттарының негізінде Қазақстан Республикасы Орталық сайлау комиссиясы ҚАУЛЫ ЕТЕДІ:
1. Қоса беріліп отырған тізімге сәйкес төртінші шақырылатын Қазақстан Республикасы Парламенті Мәжілісі депутаттарының кезектен тыс сайлауына Қазақстан Республикасы Орталық сайлау комиссиясының жанында шет мемлекеттер мен халықаралық ұйым байқаушыларын аккредиттеудің күші жойылсын және оларға берілген куәліктер кері қайтарылып алынсын.
2. Қазақстан Республикасы Орталық сайлау комиссиясының кейбір қаулыларына мынадай өзгерістер енгізілсін:
1) «Төртінші шақырылатын Қазақстан Республикасы Парламенті Мәжілісі депутаттарының кезектен тыс сайлауына халықаралық ұйым мен шет мемлекеттердің байқаушыларын аккредиттеу туралы» Қазақстан Республикасы Орталық сайлау комиссиясының 2007 жылғы 18 шілдедегі № 97/202 қаулысына:
аталған қаулыға қоса берілген, төртінші шақырылатын Қазақстан Республикасы Парламенті Мәжілісі депутаттарының кезектен тыс сайлауына Қазақстан Республикасы Орталық сайлау комиссиясының жанында аккредиттелген шет мемлекеттер байқаушыларының тізімінде:
«Шет мемлекеттердің байқаушылары» деген бөлімде:
«Украина» деген кіші бөлімде реттік нөмірлері:
«26. Жанғожа Рүстем Наильұлы»,
«27. Гречка Михаил Якович» деген жолдар алынып тасталсын;
«Тәуелсіз Мемлекеттер Достастығынан байқаушылар Миссиясы» деген бөлімде:
«Қырғыз Республикасы» деген кіші бөлімде реттік нөмірлері:
«12. Акматов Женишбек Аманбекович»,
«15. Джолдошева Жылдызкан Айтибаевна»,
«28. Қадыркулова Әсел Байышовна» деген жолдар алынып тасталсын;
2) «Төртінші шақырылатын Қазақстан Республикасы Парламенті Мәжілісі депутаттарының кезектен тыс сайлауына халықаралық ұйымдар мен шет мемлекеттердің байқаушыларын аккредиттеу туралы» Қазақстан Республикасы Орталық сайлау комиссиясының 2007 жылғы 27 шілдедегі № 101/212 қаулысына:
аталған қаулыға қоса берілген, төртінші шақырылатын Қазақстан Республикасы Парламенті Мәжілісі депутаттарының кезектен тыс сайлауына Қазақстан Республикасы Орталық сайлау комиссиясының жанында аккредиттелген шет мемлекеттер байқаушыларының тізімінде:
«Шет мемлекеттердің байқаушылары» деген бөлімде:
«Чех Республикасы» деген кіші бөлімде реттік нөмірі «18. Вальтер Бартош» деген жол алынып тасталсын;
«Украина» деген кіші бөлімде реттік нөмірі «30. Терещук Василий Васильевич» деген жол алынып тасталсын.
3. Осы қаулы Қазақстан Республикасы Сыртқы істер министрлігіне, сондай-ақ облыстық, Астана және Алматы қалалық сайлау комиссияларына жіберілсін.
4. Осы қаулының орындалуын бақылау Қазақстан Республикасы Орталық сайлау комиссиясының мүшесі Т.В. Охлопковаға жүктелсін.

Қазақстан Республикасы
Орталық сайлау комиссиясының
Төрағасы

Қ. Тұрғанқұлов

Қазақстан Республикасы
Орталық сайлау комиссиясының
Хатшысы

Б. Мелдешов

Астана қ. 2007 жылғы 10 тамыз
№106/230