2008 жылғы 23 қазанға Қазақстан халқы Ассамблеясы сайлайтын Қазақстан Республикасы Парламенті Мәжілісінің шығып қалған депутатының орнына сайлауды тағайындау туралы

«Қазақстан Республикасындағы сайлау туралы» Қазақстан Республикасы Конституциялық заңы 12-бабының 13) тармақшасына, 85-бабының 1-тармағы 3) тармақшасына, 4-тармағына және 99-бабының 1-тармағына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:
1. 2008 жылғы 23 қазанға Қазақстан халқы Ассамблеясы сайлайтын Қазақстан Республикасы Парламенті Мәжілісінің шығып қалған депутатының орнына сайлау тағайындалсын.
2. Қазақстан Республикасы Парламенті Мәжілісінің депутаттығына кандидаттарды ұсыну 2008 жылғы 9 қазанда басталып, 14 қазанда аяқталатын болып белгіленсін.
3. 2008 жылғы 23 қазанға тағайындалған, Қазақстан халқы Ассамблеясы сайлайтын Қазақстан Республикасы Парламенті Мәжілісінің шығып қалған депутатының орнына сайлауды әзірлеу мен өткізу жөніндегі негізгі іс-шаралардың күнтізбелік жоспары қосымшаға сай бекітілсін.
4. Осы қаулы сайлауды ұйымдастыру мен өткізуді қамтамасыз етуі үшін Астана қалалық сайлау комиссиясына жіберілсін.
5. Осы қаулы бұқаралық ақпарат құралдарында жариялансын.

Төраға
Қ. Тұрғанқұлов

Хатшысы
Б. Мелдешов

Астана, 2008 жылғы 08 қазан
№ 146/285