Қазақстан халқы Ассамблеясы шығып қалғанның орнына сайлаған Қазақстан Республикасы Парламенті Мәжілісінің депутатын сайлаудың қорытындыларын анықтау, жариялау және тіркеу туралы

«Қазақстан Республикасындағы сайлау туралы» Қазақстан Республикасы Конституциялық заңының 9, 12, 44, 45, 46, 94-1, 97 және 98-баптарына сәйкес, қоса беріліп отырған Астана қалалық сайлау комиссиясының шығып қалғанның орнына Қазақстан Республикасы Парламенті Мәжілісінің, Қазақстан халқы Ассамблеясы сайлайтын, депутатын сайлау жөніндегі дауыстарды санау нәтижелері туралы хаттамасының негізінде Қазақстан Республикасы Орталық сайлау комиссиясы ҚАУЛЫ ЕТЕДІ:
1. Қазақстан халқы Ассамблеясы шығып қалғанның орнына сайлаған Қазақстан Республикасы Парламенті Мәжілісінің депутатын сайлау жөніндегі дауыстарды санаудың мынадай нәтижелері белгіленсін: Олег Григорьевич Дымовқа дауыс беруге қатысқан сайлаушылардың 306 дауыс берді.
2. Қазақстан Республикасы Парламенті Мәжілісінің депутаты Олег Григорьевич Дымов сайланған болып есептелсін және тіркелсін.
3. Тіркелген Қазақстан Республикасы Парламенті Мәжілісінің депутатына тиісті куәлік және белгіленген үлгідегі омырауға тағатын белгі тапсырылсын.
4. Қоса беріліп отырған Қазақстан Республикасы Парламенті Мәжілісінің депутатын сайлау қорытындылары туралы хабар бұқаралық ақпарат құралдарында жариялансын.

Төрағасы
Қ. Тұрғанқұлов

Хатшы
Б. Мелдешов

Астана, 2008 жылғы 24 қазан
№ 151/292