Қазақстан Республикасы Парламенті Мәжілісінің депутаты С.Н. Баймағанбетовтың өкілеттігін тоқтату туралы

Қазақстан Республикасы Конституциясының 52-бабына, «Қазақстан Республикасының Парламенті және оның депутаттарының мәртебесі туралы» Қазақстан Республикасы Конституциялық Заңының 24-бабы 2, 3 және 8-тармақтарына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:
1. Қазақстан Республикасы Президентінің 2009 жылғы 2 сәуірдегі № 785 Жарлығының қабылдануына байланысты Қазақстан Республикасы Парламенті Мәжілісінің депутаты Серік Нұртайұлы Баймағанбетовтың өкілеттігін мерзімінен бұрын тоқтатуға әкелетін негіздер туындады деп белгіленсін.
2. Қоса беріліп отырған ұсыным Қазақстан Республикасы Парламентінің Мәжілісіне енгізілсін.

Төрағасы
Қ. Тұрғанқұлов

Хатшы
Б. Мелдешов

Астана, 2009 жылғы 03 cәуір
№ 160/303