Қостанай облысынан шығып қалған Қазақстан Республикасы Парламентінің Сенаты депутатының орнына 2010 жылғы 23 сәуірде сайланған депутатты сайлаудың қорытындыларын анықтау, жариялау және тіркеу туралы

«Қазақстан Республикасындағы сайлау туралы» Қазақстан Республикасы Конституциялық Заңының 9, 12, 44, 45, 46, 81 және 82-баптарына, 2010 жылғы 23 сәуірде Қостанай облысынан шығып қалған Қазақстан Республикасы Парламентінің Сенаты депутатының орнына сайлау бойынша дауыстарды санау нәтижелері туралы Қостанай облыстық сайлау комиссиясының қоса беріліп отырған хаттамасының негізінде Қазақстан Республикасы Орталық сайлау комиссиясы ҚАУЛЫ ЕТЕДІ:
1. Қостанай облысынан шығып қалған Қазақстан Республикасы Парламентінің Сенаты депутатының орнына сайлау бойынша дауыстарды санаудың мынадай нәтижелері белгіленсін:
Мұратов Асқар Аронұлына 21 дауыс немесе дауыс беруге қатысқан таңдаушылардың даустарының 7,3 пайызы;
Нұрғалиев Жеңіс Мирасұлына 265 дауыс немесе дауыс беруге қатысқан таңдаушылардың дауыстарының 92,7 пайызы.
2. Қазақстан Республикасы Парламенті Сенатының депутаты Нұрғалиев Жеңіс Мирасұлы сайланған болып есептелсін және тіркелсін.
3. Нұрғалиев Жеңіс Мирасұлына белгіленген үлгідегі куәлік пен омырауға тағатын белгі тапсырылсын.
4. Қазақстан Республикасы Парламенті Сенатының депутатын сайлау қорытындылары туралы қоса беріліп отырған хабар бұқаралық ақпарат құралдарында жариялансын.



Төрағасы
Қ. Тұрғанқұлов

Хатшы
Б. Мелдешов

Астана, 2010 жылғы 26 сәуір
№ 3/3