2011 жылғы 21 ақпан күні Орталық сайлау комиссиясы Қазақстан Республикасы Президенттігіне кандидат Ғ.Е.Қасымовтың Конституция мен «Қазақстан Республикасындағы сайлау туралы» Конституциялық заң қоятын талаптарға сәйкестігін анықтау жөнінде қаулы қабылдады
2011 жылғы 21 ақпан күні Орталық сайлау комиссиясы Қазақстан Республикасы Президенттігіне кандидат Ғани Есенкелдіұлы Қасымовтың Конституция мен «Қазақстан Республикасындағы сайлау туралы» Конституциялық заң қоятын талаптарға сәйкестігін анықтау жөнінде қаулы қабылдады.
Сол күні Орталық сайлау комиссиясы кандидатқа оның кандидатурасын қолдап азаматтардың қолын жинау үшін қол қою парақтарын берді.
Ортсайлауком қабылдаған қаулыға сәйкес, Қазақстан Республикасы Президенттігіне кандидатты қолдаған расталған қолдардың саны 91 мың 010 қолды құрайды. Қол жинауды кандидаттардың сенім білдірілген адамдары жүргізеді. Қол жинау топтарының саны мен ондағы адамдар саны шектелмейді.
Толтырылған қол қою парақтары аумақтық сайлау комиссияларына тапсырылады, олар бес күн ішінде қолдардың растығын паспорт қызметі қызметкерлерінің қатысуымен тексереді, тиісті хаттама жасайды және оны Орталық сайлау комиссиясына жібереді.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44