Қазақстан Республикасы Парламенті Мәжілісінің депутаттығына

№7 бірмандаттық аумақтық сайлау округі бойынша кандидат

А.Т. Пралиевтің шағымы туралы

«Қазақстан Республикасындағы сайлау туралы» Қазақстан Республикасының Конституциялық заңының 12-бабының 1) және 5) тармақшаларына, 16-1-бабына, 20-бабының 10-тармағына және 89-бабына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. Шымкент қаласы бойынша Мемлекеттік кірістер департаменті кандидат Абай Толикбаевич Пралиевпен және (немесе) оның зайыбы декларациялаған активтер мен міндеттемелер туралы мәліметтердің дұрыстығын қосымша тексеріп, тексеру қорытындылары бойынша тиісті ақпаратты №7 бірмандаттық аумақтық сайлау округі бойынша округтік сайлау комиссиясына жолдасын.

2. №7 бірмандаттық аумақтық сайлау округі бойынша округтік сайлау комиссиясы кандидат және (немесе) оның зайыбы декларациялаған активтер мен міндеттемелер туралы мәліметтердің дұрыстығын қосымша тексеру қорытындылары бойынша ұсынылған Шымкент қаласы бойынша Мемлекеттік кірістер департаментінің ақпараты негізінде Қазақстан Республикасы Парламенті Мәжілісінің депутаттығына кандидат Абай Толикбаевич Пралиевтің 2023 жылғы 4 наурыздағы № 1 хаттама бойынша шешімнің күшін жою туралы мәселені қайта қарасын және тиісті шешім қабылдасын.

3. Осы қаулы Шымкент қаласы бойынша Мемлекеттік кірістер департаментіне және №7 бірмандаттық сайлау округі бойынша округтік сайлау комиссиясына жіберілсін.

4. Осы қаулы Қазақстан Республикасы Орталық сайлау комиссиясының интернет-ресурсында жариялансын.

Астана қаласы

2023 жылғы 7 наурыз

№ 59/751