Біржан Жетіруұлы Ділмағамбетті Қазақстан Республикасының Президенттігіне кандидат ретінде тіркеуден бас тарту туралы
«Қазақстан Республикасындағы сайлау туралы» Қазақстан Республикасының Конституциялық заңының 54-бабына, 59-бабы 7-тармағының 3) тармақшасына сәйкес және Қазақстан Республикасы Орталық сайлау комиссиясына келіп түскен құжаттардың негізінде Қазақстан Республикасы Орталық сайлау комиссиясы ҚАУЛЫ ЕТЕДІ:
1. Қазақстан Республикасының Президенттігіне кандидат Біржан Жетіруұлы Ділмағамбеттің лингвистикалық комиссияның мемлекеттік тілді еркін меңгергендігін анықтау жөніндегі қажетті рәсімінен өтуден бас тартуына байланысты оның Қазақстан Республикасы Конституциясының және «Қазақстан Республикасындағы сайлау туралы» Қазақстан Республикасы Конституциялық заңының мемлекеттік тілді еркін меңгеру бөлігіндегі талаптарына сәйкестігі анықталмады деп атап көрсетілсін.
2. Біржан Жетіруұлы Ділмағамбетті Қазақстан Республикасының Президенттігіне кандидат ретінде тіркеуден бас тартылсын.


Қазақстан Республикасы
Орталық сайлау комиссиясының
Төрағасы
Қ. Тұрғанқұлов

Қазақстан Республикасы
Орталық сайлау комиссиясының
хатшысы
Б. Мелдешов

Астана, 2011 жылғы 24 ақпан
№ 30/49