2011 жылғы 15 наурызда Орталық сайлау комиссиясы 2011 жылғы 3 сәуірге тағайындалған Қазақстан Республикасы Президентінің кезектен тыс сайлауында саяси партиялардың сайлау комиссияларындағы кеңесші дауыс құқығы бар өкілдерінің мәртебесі мен қызметі туралы түсініктеме берді
2011 жылғы 15 наурызда Орталық сайлау комиссиясы 2011 жылғы 3 сәуірге тағайындалған Қазақстан Республикасы Президентінің кезектен тыс сайлауында саяси партиялардың сайлау комиссияларындағы кеңесші дауыс құқығы бар өкілдерінің мәртебесі мен қызметі туралы түсініктеме берді.
2011 жылғы 15 наурызда Орталық сайлау комиссиясының отырысы болып, онда 2011 жылғы 3 сәуірге тағайындалған Қазақстан Республикасы Президентінің кезектен тыс сайлауында саяси партиялардың сайлау комиссияларындағы кеңесші дауыс құқығы бар өкілдерінің мәртебесі мен қызметі туралы сұрақ қаралды.
Ортсайлаукомның түсініктемесіне сәйкес, саяси партияның кеңесші дауыс құқығы бар өкілі (бұдан әрі - Өкіл) құрамында осы саяси партияның өкілі болып табылатын мүшесі жоқ сайлау комиссиясына жіберіледі.
Аумақтық, учаскелік сайлау комиссияларына Өкіл жіберуді саяси партияның тиісті филиалдары іске асырады.
Қолдармен және мөрлермен расталған Өкіл жіберу актілері тиісті аумақтық, учаскелік сайлау комиссияларына тікелей, сондай-ақ жоғары тұрған аумақтық сайлау комиссиясына мәлімет ретінде жолданады. Өкілдің саяси партия атынан өкілдік етуге келісімі туралы өтініші Өкіл жіберу актіне қоса беріледі.
Сайлау комиссиясының төрағасы, Өкіл жіберу актін және жеке өтінішті алған соң, Өкілді сайлау комиссиясының құрамына енгізу туралы өкім шығарады.
Өкіл комиссияның отырыстары мен жоспарлары туралы хабардар етіледі, оның жұмысына қатысады.
Конституциялық заңның сайлау комиссиялары мүшелерінің құқықтары мен міндеттерін реттейтін баптарының талаптары, сайлау комиссиясы шешімдерін қабылдау кезінде дауыс беруден, хаттамаларға және өзге де құжаттарға қол қоюдан, дауыс беру үшін бюллетеньдерін беруден өзге, Өкілдерге де тарайды.
Өкіл сайлау комиссиясының өз қызметтерін атқарып жүрген мүшелерінің жанында тікелей болуға құқылы.
Сайлау комиссиясы шешім қабылдаған кезде Өкіл өзінің ерекше пікірін айтуға және қажет болған жағдайда бұл пікірді дауысқа салуды талап етуге құқылы. Сайлау комиссиясының төрағасы ерекше пікірді сайлау комиссиясының дауысына салады. Сайлау комиссиясы мүшелері Өкілдің ерекше пікірімен келіспеген жағдайда, ол сайлау комиссиясының іс-әрекетіне (әрекетсіздігіне) жоғары тұрған сайлау комиссиясына немесе сотқа шағымдануға құқылы.
Өкілдің ескертулері мен ұсыныстары сайлау комиссиясы отырысының хаттамасына қоса тіркеледі.
Ортсайлауком, сондай-ақ, сайлау туралы Конституциялық заңға сәйкес саяси партия Өкілді тиісті сайлау комиссиясына сайлау науқанын даярлау мен өткізу кезеңіне жіберетінін атап өтті. Яғни, Өкілді тек дауыс беру күніне ғана жіберуге жол берілмейді. Мұндай өкілдер саяси партияның байқаушысы болып есептеледі.
Ортсайлауком отырысы аясында сондай-ақ Жалпыұлттық социал-демократиялық партияның П.В.Своикті Жалпыұлттық социал-демократиялық партияның өкілі етіп Орталық сайлау комиссиясына жіберу туралы 2011 жылғы 2 наурыздағы № 15 өтініші қаралды.
Орталық сайлау комиссиясының хатшысы Б.Мелдешов қатысушыларды Қазақстан Республикасы Бас прокуратурасының түсініктемесіне сәйкес, сайлау туралы Конституциялық заң нормалары Орталық сайлау комиссиясының жұмысына кеңесші дауыспен саяси партиялар өкілдерінің қатысуын көздемейтіні туралы хабардар етті.

Қазақстан Республикасы
Орталық сайлау комиссиясының
баспасөз орталығы
тел. 75-21-32, 75-28-43, 75-28-44