Қазақстан Республикасы Орталық сайлау комиссиясының 1999 жылғы 13 шілдедегі № 15/215 қаулысына толықтырулар мен өзгерістер енгізу туралы

«Қазақстан Республикасындағы сайлау туралы» Қазақстан Республикасы Конституциялық заңының 12-бабына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:
1. «Сайлау учаскелеріндегі, пункттердегі дауыс беруге арналған үйлерді жабдықтау» туралы Қазақстан Республикасы Орталық сайлау комиссиясының 1999 жылғы 13 шілдедегі № 15/215 қаулысына мынадай толықтырулар мен өзгерістер енгізілсін:
мынадай мазмұндағы 1-1-тармақпен толықтырылсын:
«1-1. Дауыс беруге арналған үй-жайларда, пункттерде жасырын дауыс беруге арналған кабиналар жеткiлiктi мөлшерде жабдықталуға, сайлау бюллетеньдерiн беретiн орындар белгіленуге тиіс. Дауыс беруге арналған жәшiк дауыс берушілер оған міндетті түрде жасырын дауыс беруге арналған кабиналар арқылы өтiп келетiндей болып қойылады.»;
2 және 3-тармақтар мынадай редакцияда жазылсын:
«Жасырын дауыс беруге арналған кабиналарға кіру, олардан шығу, сондай-ақ олардан сайлау жәшігіне дейінгі жол учаскелік сайлау комиссиясы мүшелерінің және қатысып отырған бұқаралық ақпарат құралдарының өкілдері мен байқаушылардың көз алдында болуы тиіс.
Дауыс беруге арналған үй-жайдағы дауыс беруге арналған жәшік учаскелік сайлау комиссиясының мүшелері, қатысып отырған бұқаралық ақпарат құралдарының өкілдері мен байқаушылар дауыс беруге арналған бюллетеньдердің жәшікке қалай салынатынын көре алатындай болып орналасуы қажет.
Дауыс беруге арналған үй-жайда дауыстарды санау жүргізілетін үстелдер санау кезінде қатысушылардың барлығы жағынан учаскелік сайлау комиссиясы мүшелерінің іс-қимылдары толық көрінуі қамтамасыз етілетіндей болып орналастырылады.
3. Сайлау учаскесіндегі, пункттегі дауыс беруге арналған үй-жайда міндетті түрде орналастырылатын жабдықтар:
1) жазу үстелі;
2) орындықтар;
3) телефон аппараты;
4) үстел шамы, сағат;
5) сейф немесе металл шкаф;
6) толтырылған бюллетеньдердің үлгілері мен барлық партиялық тізімдерін ұсынған саяси партиялар, осы сайлау учаскесі бойынша дауысқа түсіп отырған кандидаттар туралы ақпараттық материалдар қамтылған стенд;
7) учаскелік сайлау комиссиясының дауыстарды санау қорытындылары туралы хаттамасының көшірмесі ілінетін стенд;
8) жоғары тұрған сайлау комиссияларының, соттардың және прокуратура органдарының телефондары мен мекен-жайларының тізімдері ілінген стенд;
9) үстелмен немесе тіреуішпен, шарикті қаламдармен жабдықталған жасырын дауыс беруге арналған кабиналар;
10) сайлау жәшіктері – тұрақты, тасымалданатын (екіден аспайтын);
11) сайлау жәшіктерін, сайлау құжаттамасын мөрлеуге немесе пломбалауға арналған құрылғылар.».
4-тармақтың 2) тармақшасы алынып тасталсын.
2. Осы қаулы облыстық, Астана және Алматы қалалық сайлау комиссияларына жіберілсін.

Қазақстан Республикасы
Орталық сайлау комиссиясының
Төрағасы
Қ. Тұрғанқұлов

Қазақстан Республикасы
Орталық сайлау комиссиясының
хатшысы
Б. Мелдешов

Астана, 2011 жылғы 2 желтоқсан
№ 64/121