Қазақстан халқы Ассамблеясы Кеңесі ұсынған Қазақстан Республикасы Парламенті Мәжілісінің депутаттығына кандидаттарды тіркеу туралы
«Қазақстан Республикасындағы сайлау туралы» Қазақстан Республикасы Конституциялық заңының 89-бабына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:
1. Қазақстан халқы Ассамблеясы Кеңесі ұсынған Қазақстан Республикасы Парламенті Мәжілісінің депутаттығына кандидаттар 9 адамнан тұратын құрамда тіркелсін:

2. Тіркелген, Қазақстан халқы Ассамблеясы Кеңесі ұсынған Қазақстан Республикасы Парламенті Мәжілісінің депутаттығына кандидаттарға куәліктер берілсін.
3. Қоса беріліп отырған Қазақстан халқы Ассамблеясы Кеңесі ұсынған Қазақстан Республикасы Парламенті Мәжілісінің депутаттығына кандидаттарды тіркеу туралы хабар бұқаралық ақпарат құралдарында жариялансын.
4. Қазақстан халқы Ассамблеясы Кеңесі ұсынған Қазақстан Республикасы Парламенті Мәжілісінің депутаттығына кандидаттар сайлау бюллетеніне енгізілсін.

1	Алиев Жұматай	20.06.1952 ж., қазақ, «Тұрлаулы Қазақстан» қоғамдық қорының басшысы, Орталық Азия университетінің Қамқоршылық кеңесі төрағасы, профессор, Алматы қаласында тұрады
2	Ахмадиев Мурат Абдуреимович	12.01.1950 ж., ұйғыр, Республикалық ұлттық ұйғыр орталығы басқармасының мүшесі, соңғы жұмыс орны - IV шақырылған Қазақстан Республикасы Парламенті Мәжілісінің депутаты, Астана қаласында тұрады
3	Каппель Егор Яковлевич	24.11.1957 ж., неміс, Қазақстан немістерінің "Возрождение" қоғамдық бірлестіктері қауымдастығының Немістер кеңесі мүшесі, соңғы жұмыс орны - IV шақырылған Қазақстан Республикасы Парламенті Мәжілісінің депутаты, Астана қаласында тұрады
4	Ким Роман Ухенович	08.05.1955 ж., корей, Қазақстан корейлері қауымдастығының президенті, Алматы қаласында тұрады
5	Мурадов Ахмет Сейдарахманович	20.07.1951 ж., шешен, «Вайнах» шешен және ингуш халықтарының мәдениетін дамыту қауымдастығының тең төрағасы, Алматы қаласында тұрады
6	Нестерова Надежда Дмитриевна	03.11.1952 ж., орыс, Қазақстан халқы Ассамблеясының Жамбыл облысы бойынша төрағасының орынбасары, Тараз қаласында тұрады
7	Саяпова Зухра Алеутдиновна	06.02.1951 ж., татар, «Таң» татар-башқұрт этномәдени орталығының төрайымы, Астана қаласында тұрады
8	Тимощенко Юрий Евгениевич	08.06.1962 ж., украин, «Оберег» Украин ұлттық-мәдени орталығының директоры, «Рада» Қазақстан украиндары одағының басшысы, Астана қаласында тұрады
9	Халмурадов Розакул Сатыбалдиевич	01.05.1941 ж., өзбек, «Дустлик» республикалық өзбек этномәдени бірлестігінің құрметті төрағасы, соңғы жұмыс орны - IV шақырылған Қазақстан Республикасы Парламенті Мәжілісінің депутаты, Астана қаласында тұрады

Қазақстан Республикасы
Орталық сайлау комиссиясының
Төрағасы
Қ. Тұрғанқұлов

Қазақстан Республикасы
Орталық сайлау комиссиясының
хатшысы
Б. Мелдешов

Астана, 2011 жылғы 30 желтоқсан
№ 78/144