2012 жылғы 15 қаңтарға тағайындалған Қазақстан Республикасы Парламенті Мәжілісі депутаттарының кезектен тыс сайлауы және мәслихаттары депутаттарының кезекті сайлауы жөніндегі сайлау бюллетеньдерінің қосымша санын белгілеу туралы
«Қазақстан Республикасындағы сайлау туралы» Қазақстан Республикасы Конституциялық заңының 12, 24, 26, 37-баптарына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:
1. 2011 жылғы 30 желтоқсандағы жағдай бойынша облыстық, Астана және Алматы қалалық сайлау комиссиялары ұсынған сайлаушылар туралы мәліметтерге сай дайындалуға және сайлау учаскелеріне жеткізілуге тиіс сайлау бюллетеньдерінің қосымша саны, учаскелердегі сайлаушылардың жалпы санының 1 пайызы резервін қоса:
1) Қазақстан Республикасы Парламенті Мәжілісі депутаттарының кезектен тыс сайлауы жөніндегі – 24358 (жиырма төрт мың үш жүз елу сегіз) дананы;
2) Қазақстан Республикасы мәслихаттары депутаттарының кезекті сайлауы жөніндегі – 48716 (қырық сегіз мың жеті жүз он алты) дананы құрайтын болып белгіленсін.
2. Осы қаулының орындалуын бақылау Қазақстан Республикасы Орталық сайлау комиссиясының хатшысы Б.С. Мелдешовке жүктелсін.

Қазақстан Республикасы
Орталық сайлау комиссиясының
Төрағасы
Қ. Тұрғанқұлов

Қазақстан Республикасы
Орталық сайлау комиссиясының
хатшысы
Б. Мелдешов

Астана, 2012 жылғы 06 қаңтар
№ 1/151