2022 жылғы 5 маусымға тағайындалған Республикалық референдумда азаматтардың «электрондық үкімет» порталында тіркелген жері бойынша мәліметтерді тексерудің онлайн-сервисін іске асыру туралы

«Республикалық референдум туралы» Қазақстан Республикасының 1995 жылғы 2 қарашадағы № 2592 Конституциялық заңының 21-бабы 1-тармағының 1) тармақшасына, 25-бабына сәйкес және Қазақстан Республикасы Үкіметінің 2019 жылғы 12 шілдедегі № 501 қаулысымен бекітілген Қазақстан Республикасының Цифрлық даму, инновациялар және аэроғарыш өнеркәсібі министрлігі туралы ереженің 1-тармағына сәйкес Қазақстан Республикасының Орталық референдум комиссиясы ҚАУЛЫ ЕТЕДІ және Қазақстан Республикасының Цифрлық даму, инновациялар және аэроғарыш өнеркәсібі министрлігі БҰЙЫРАДЫ:

1. Осы бірлескен қаулы мен бұйрыққа қосымшаға сәйкес 2022 жылғы 5 маусымға тағайындалған республикалық референдумда азаматтардың «электрондық үкімет» порталында тіркелген жері бойынша мәліметтерді тексерудің онлайн-сервисін іске асыру алгоритмі бекітілсін.

2. Облыстардың, республикалық маңызы бар қалалардың және астананың жергілікті атқарушы органдары облыстардың, республикалық маңызы бар қалалардың және астананың аумақтық референдум комиссияларымен бірлесіп, онлайн-сервиске қол жеткізу үшін белгіленген тәртіппен референдум учаскелері мен референдум комиссияларының мүшелерін айқындасын, 2022 жылғы 23 мамырға дейінгі мерзімде Қазақстан Республикасы Орталық референдум комиссиясына тиісті мәліметтер ұсынсын.

3. Қазақстан Республикасының цифрлық даму, инновациялар және аэроғарыш өнеркәсібі министрлігі «Ұлттық ақпараттық технологиялар» акционерлік қоғамымен (келісім бойынша) бірлесіп, белгіленген тәртіппен «электрондық үкімет» порталында азаматтардың тіркелген жері бойынша мәліметтерді тексерудің онлайн-сервисін іске асырсын.

4. Осы бірлескен қаулы мен бұйрықтың орындалуын бақылау Қазақстан Республикасының Орталық референдум комиссиясы төрағасының орынбасарына және жетекшілік ететін Қазақстан Республикасының цифрлық даму, инновациялар және аэроғарыш өнеркәсібі вице-министріне жүктелсін.

5. Осы бірлескен қаулы мен бұйрық қол қойылған күнінен бастап қолданысқа енгізіледі.

Қосымша...