2015 жылғы 26 сәуірге тағайындалған Қазақстан Республикасы Президентінің кезектен тыс сайлауына халықаралық ұйым байқаушыларын аккредиттеудің күшін жою туралы
«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық Заңының 20-2-бабына сәйкес, ЕҚЫҰ/ДИАҚБ-ның сайлауды байқау жөніндегі Миссиясының 2015 жылғы 24 сәуірдегі № 23/04/2015 және 2015 жылғы 25 сәуірдегі № 24.04.2015 хаттарының негізінде Қазақстан Республикасы Орталық сайлау комиссиясы ҚАУЛЫ ЕТЕДІ:
1. 2015 жылғы 26 сәуірге тағайындалған Қазақстан Республикасы Президентінің кезектен тыс сайлауына ЕҚЫҰ/ДИАҚБ-ның сайлауды байқау жөніндегі Миссиясының байқаушылары Сергей Калашниковты және Степан Тапананды Қазақстан Республикасы Орталық сайлау комиссиясының жанында аккредиттеудің күші жойылсын және куәліктері кері қайтарылсын.
2. «2015 жылғы 26 сәуірге тағайындалған Қазақстан Республикасы Президентінің кезектен тыс сайлауына шет мемлекеттер мен халықаралық ұйымдардың байқаушыларын аккредиттеу туралы» Қазақстан Республикасы Орталық сайлау комиссиясының 2015 жылғы 20 сәуірдегі № 29/56 қаулысына мынадай өзгеріс енгізілсін: аталған қаулымен бекітілген, 2015 жылғы 26 сәуірге тағайындалған Қазақстан Республикасы Президентінің кезектен тыс сайлауына Қазақстан Республикасы Орталық сайлау комиссиясының жанында аккредиттелген халықаралық ұйымдар мен шет мемлекеттер байқаушыларының тізімінде:
«1.1 ЕҚЫҰ/ДИАҚБ-ның сайлауды байқау жөніндегі Миссиясы» бөлімінде реттік нөмірлері «26. 240. Сергей Калашников», «50. 264. Степан Тапанан» деген жолдар алынып тасталсын.
3. Осы қаулының орындалуын бақылау Қазақстан Республикасы Орталық сайлау комиссиясының мүшесі М.А. Сәрсембаевқа жүктелсін.






Қазақстан Республикасы
Орталық сайлау комиссиясының
Төрағасы
Қ. Тұрғанқұлов

Қазақстан Республикасы
Орталық сайлау комиссиясының
хатшысы
Б. Мелдешов

Астана қ. 25 сәуірдегі № 31/60