2015 жылғы 26 сәуірге тағайындалған Қазақстан Республикасы Президентінің кезектен тыс сайлауына халықаралық ұйым байқаушысын аккредиттеудің күшін жою туралы
«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық Заңының 20-2-бабына сәйкес, Қазақстан Республикасы Сыртқы істер министрлігінің 2015 жылғы 18 сәуірдегі № 13-1/505 хатының негізінде Қазақстан Республикасы Орталық сайлау комиссиясы ҚАУЛЫ ЕТЕДІ:
1. 2015 жылғы 26 сәуірге тағайындалған Қазақстан Республикасы Президентінің кезектен тыс сайлауына Тәуелсіз Мемлекеттер Достастығынан байқаушылар Миссиясының байқаушысы Валентина Владимировна Терешкованы Қазақстан Республикасы Орталық сайлау комиссиясының жанында аккредиттеудің күші жойылсын және куәлік кері қайтарылсын.
2. «2015 жылғы 26 сәуірге тағайындалған Қазақстан Республикасы Президентінің кезектен тыс сайлауына шет мемлекеттер мен халықаралық ұйымдардың байқаушыларын аккредиттеу туралы» Қазақстан Республикасы Орталық сайлау комиссиясының 2015 жылғы 7 сәуірдегі № 24/49 қаулысына мынадай өзгеріс енгізілсін: аталған қаулымен бекітілген, 2015 жылғы 26 сәуірге тағайындалған Қазақстан Республикасы Президентінің кезектен тыс сайлауына Қазақстан Республикасы Орталық сайлау комиссиясының жанында аккредиттелген шет мемлекеттер мен халықаралық ұйымдар байқаушыларының тізімінде:
«1. Тәуелсіз Мемлекеттер Достастығынан байқаушылар Миссиясы» бөлімінде реттік нөмірі «5. 11. Терешкова Валентина Владимировна» деген жол алынып тасталсын.
3. Осы қаулының орындалуын бақылау Қазақстан Республикасы Орталық сайлау комиссиясының мүшесі М.А. Сәрсембаевқа жүктелсін.


Қазақстан Республикасы
Орталық сайлау комиссиясының
Төрағасы
Қ. Тұрғанқұлов

Қазақстан Республикасы
Орталық сайлау комиссиясының
хатшысы
Б. Мелдешов

Астана қ. 20 сәуірдегі № 29/57