Қазақстан халқы Ассамблеясынан шығып қалған депутаттың орнына 2022 жылғы 28 сәуірде сайланған Қазақстан Республикасы Парламенті Мәжілісінің депутатын тіркеу туралы

«Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасы Конституциялық заңының 12, 45, 46 және 98-баптарына сәйкес, Нұр-Сұлтан қалалық сайлау комиссиясының Қазақстан халқы Ассамблеясы сайлайтын Қазақстан Республикасы Парламенті Мәжілісінің шығып қалған депутатының орнына сайлау жөніндегі дауыстарды санау нәтижелері туралы Нұр-Сұлтан қалалық сайлау комиссиясы хаттамасының және «Қазақстан халқы Ассамблеясы сайлайтын Қазақстан Республикасы Парламенті Мәжілісінің шығып қалған депутатының орнына 2022 жылғы 28 сәуірде болған сайлаудың қорытындыларын анықтау және жариялау туралы» Қазақстан Республикасы Орталық сайлау комиссиясының 2022 жылғы 28 сәуірдегі № 29/477 қаулысының негізінде Қазақстан Республикасының Орталық сайлау комиссиясы ҚАУЛЫ ЕТЕДІ:

1. Қазақстан халқы Ассамблеясынан сайланған Қазақстан Республикасы Парламенті Мәжілісінің депутаты болып Закиржан Пирмухамедович Кузиев тіркелсін.

2. Закиржан Пирмухамедович Кузиевке белгіленген үлгідегі куәлік пен омырауға тағатын белгі тапсырылсын.

Нұр-Сұлтан қаласы,

2022 жылғы 3 мамыр,

№ 30/479