2022 жылғы 28 сәуірге тағайындалған, Қазақстан Республикасы Парламенті Мәжілісінің шығып қалған депутатының орнына Қазақстан халқы Ассамблеясы сайлайтын депутатты сайлау жөніндегі дауыс беруге арналған сайлау бюллетені туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12 және 37-баптарына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. Қазақстан халқы Ассамблеясы сайлайтын Қазақстан Республикасы Парламенті Мәжілісінің депутатын сайлау жөніндегі дауыс беруге арналған сайлау бюллетенінің мәтіні осы қаулыға 1-қосымшаға сәйкес бекітілсін.

2. Сайлау бюллетенінің қорғалу дәрежесі осы қаулыға 2-қосымшаға сәйкес (қызмет бабында пайдалану үшін) белгіленсін.

3. Дайындалуы тиіс, Қазақстан халқы Ассамблеясы сайлайтын Қазақстан Республикасы Парламенті Мәжілісінің депутатын сайлау жөніндегі сайлау бюллетеньдерінің саны, Қазақстан халқы Ассамблеясы мүшелері жалпы санының бір пайызы резервін қоса, 532 (бес жүз отыз екі) бірлікті құрайтын болып белгіленсін.

4. 2022 жылғы 26 сәуірде Нұр-Сұлтан қаласының сайлау комиссиясына сайлау бюллетеньдерін жеткізу қамтамасыз етілсін.

5. Осы қаулының орындалуын бақылау Қазақстан Республикасы Орталық сайлау комиссиясының хатшысы М.Т. Ерманға жүктелсін.

Қосымша...

Нұр-Сұлтан қаласы,

2022 жылғы 11сәуір,

№ 24/469