2022 жылғы 28 cәуірге тағайындалған, шығып қалған депутаттың орнына Қазақстан халқы Ассамблеясы сайлайтын Қазақстан Республикасы Парламенті Мәжілісінің депутатын сайлау жөніндегі сайлау құжаттарының
нысандарын белгілеу туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңы 12-бабының 6) тармақшасына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. Қазақстан Республикасы Парламенті Мәжілісі депутатының сайлауы жөніндегі сайлау құжаттарының қоса беріліп отырған нысандары белгіленсін:

1) азаматтың Қазақстан халқы Ассамблеясы сайлайтын Қазақстан Республикасы Парламенті Мәжілісінің депутаттығына кандидат болып дауысқа түсуге келісімі туралы өтініші (1-қосымша);

2) Қазақстан халқы Ассамблеясы сайлайтын Қазақстан Республикасы Парламенті Мәжілісінің депутаттығына кандидаттың Қазақстан Республикасының Конституциясында және «Қазақстан Республикасындағы сайлау туралы» Қазақстан Республикасының Конституциялық заңында оған қойылатын талаптарға сәйкестігін анықтау туралы Қазақстан Республикасы Орталық сайлау комиссиясының хаттамасы (2-қосымша);

3) Қазақстан халқы Ассамблеясы сайлайтын Қазақстан Республикасы Парламенті Мәжілісінің депутаттығына кандидатты тіркеу туралы Қазақстан Республикасы Орталық сайлау комиссиясының хаттамасы (3-қосымша);

4) Қазақстан халқы Ассамблеясы сайлайтын Қазақстан Республикасы Парламенті Мәжілісінің депутаттығына кандидаттың куәлігі (4-қосымша);

5) Қазақстан халқы Ассамблеясы сайлайтын Қазақстан Республикасы Парламенті Мәжілісінің депутатын сайлау жөніндегі сайлаушылар тізімі (5-қосымша);

6) Қазақстан халқы Ассамблеясы сайлайтын Қазақстан Республикасы Парламенті Мәжілісінің депутатын сайлау жөніндегі дауыс беру пунктін ашу туралы аумақтық сайлау комиссиясының хаттамасы (6-қосымша);

7) Қазақстан халқы Ассамблеясы сайлайтын Қазақстан Республикасы Парламенті Мәжілісінің депутатын сайлау бойынша дауыс санау нәтижелері туралы аумақтық сайлау комиссиясының хаттамасы (7-қосымша);

8) Қазақстан халқы Ассамблеясы сайлайтын Қазақстан Республикасы Парламенті Мәжілісінің шығып қалған депутатының орнына сайлаудың қорытындылары туралы Қазақстан Республикасы Орталық сайлау комиссиясының хаттамасы (8-қосымша);

9) Қазақстан халқы Ассамблеясы сайлайтын Қазақстан Республикасы Парламенті Мәжілісінің шығып қалған депутатының орнына сайлау бойынша дауыстарды санау нәтижелері туралы хабар (9-қосымша).

2. Осы қаулы Қазақстан Республикасы Орталық сайлау комиссиясының интернет-ресурсында орналастырылсын.

Қазақстан Республикасы Орталық сайлау комиссиясының Төрағасы	Н. Әбдіров
Қазақстан Республикасы Орталық сайлау комиссиясының хатшы м.а.	С. Мұстафина

Нұр-Сұлтан қаласы,

2022 жылғы 17 наурыз,

№ 19/459