Қазақстан Республикасы аудандық маңызы бар қалаларының, ауылдарының, кенттерінің, ауылдық округтерінің әкімдерін сайлау жөніндегі сайлау құжаттарының нысандарын белгілеу туралы

«Қазақстан Республикасындағы сайлау туралы» Қазақстан Республикасы 1995 жылғы 28 қыркүйектегі Конституциялық заңының 12-бабы 1) және 6) тармақшасына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. Қазақстан Республикасы аудандық маңызы бар қалаларының, ауылдарының, кенттерінің, ауылдық округтерінің әкімдерін (бұдан әрі – әкім) сайлау жөніндегі сайлау құжаттарының қоса беріліп отырған нысандары белгіленсін:

1) әкімдікке кандидаттың өтініші мен өмірбаяндық деректері (1-қосымша);

2) әкімдікке кандидаттың Қазақстан Республикасының заңнамасында оған қойылатын талаптарға сәйкестігін анықтау туралы аудандық (қалалық) сайлау комиссиясының хаттамасы (2-қосымша);

3) әкімдікке кандидатты қолдау үшін сайлаушылардың қолдарын жинауға арналған қол қою парағы (3-қосымша);

4) әкімдікке кандидатты қолдау үшін жиналған қолдардың дұрыстығын тексеру нәтижелері туралы аудандық (қалалық) сайлау комиссиясының хаттамасы (4-қосымша);

5) әкімдікке кандидаттарды тіркеу туралы аудандық (қалалық) сайлау комиссиясының хаттамасы (5-қосымша);

6) Қазақстан Республикасы аудандық маңызы бар қаласының, ауылының, кентінің, ауылдық округінің әкімдігіне кандидаттың куәлігі (6-қосымша);

7) әкімдікке кандидаттың сенім білдірген адамдарын тіркеу туралы аудандық (қалалық) сайлау комиссиясының хаттамасы (7-қосымша);

8) әкімдікке кандидаттың сенім білдірген адамының куәлігі (8-қосымша);

9) әкімді сайлау бойынша сайлаушылардың тізімі (9-қосымша);

10) дауыс беру құқығын беретін есептен шығару куәліктерін пайдалану туралы учаскелік сайлау комиссиясының хаттамасы (10-қосымша);

11) дауыс беру құқығын беретін есептен шығару куәліктерін пайдалануды есепке алу туралы аудандық (қалалық) сайлау комиссиясының хаттамасы (11-қосымша);

12) сайлау учаскесін ашу туралы учаскелік сайлау комиссиясының хаттамасы (12-қосымша);

13) әкімді сайлау бойынша дауыс беру нәтижелері туралы учаскелік сайлау комиссиясының хаттамасы (13-қосымша);

14) әкімді сайлау жөніндегі қорытындыларды белгілеу туралы аудандық (қалалық) сайлау комиссиясының хаттамасы (14-қосымша);

15) сайланған әкімді тіркеу туралы аудандық (қалалық) сайлау комиссиясының шешімі (15-қосымша);

16) сайланған әкімнің куәлігі (16-қосымша);

2. Келесі қаулылардың күші жойылды деп танылсын:

1) «Қазақстан Республикасының аудандық маңызы бар қалалары, ауылдық округтері, ауылдық округтің құрамына кірмейтін кенттері мен ауылдары әкімдерін сайлау жөніндегі сайлау құжаттарының нысандарын белгілеу туралы» 2013 жылғы 6 маусымдағы № 11/205;

2) «Қазақстан Республикасы Орталық сайлау комиссиясының 2013 жылғы 6 маусымдағы № 11/205 қаулысына өзгерістер енгізу туралы» 2013 жылғы 19 шілдедегі № 15/215.

3. Осы қаулы Қазақстан Республикасы Орталық сайлау комиссиясының интернет-ресурсында орналастырылсын.

Қосымша...

Нұр-Сұлтан қаласы,

2021 жылғы 24 маусым,

№ 7/412