Қазақстан Республикасы Орталық сайлау комиссиясы		Қазақстан Республикасының Цифрлық даму, инновациялар және аэроғарыш өнеркәсібі министрлігі
Нұр-Сұлтан қ. 2020 жылғы 29 желтоқсан № 55/391		Нұр-Сұлтан қ. 2020 жылғы 29 желтоқсан № 481
ҚАУЛЫ		БҰЙРЫҚ

«Электрондық үкімет» порталында азаматтардың тіркелген жері жөніндегі мәліметтерді тексерудің онлайн-сервисін іске асыру туралы

«Қазақстан Республикасындағы сайлау туралы» Қазақстан Республикасы Конституциялық заңының 12-бабының 1) және 2) тармақшаларына және Қазақстан Республикасы Үкіметінің 2019 жылғы 12 шілдедегі № 501 қаулысымен бекітілген Қазақстан Республикасының Цифрлық даму, инновациялар және аэроғарыш өнеркәсібі министрлігі туралы ереженің 1-тармағына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ және Қазақстан Республикасы Цифрлық даму, инновациялар және аэроғарыш өнеркәсібі министрлігі БҰЙЫРАДЫ :

1. Осы бірлескен актіге қосымшаға сәйкес «Электрондық үкімет» порталында 2021 жылғы 10 қаңтарда Қазақстан Республикасы Парламенті Мәжілісінің және мәслихаттарының депутаттарын сайлауда азаматтардың тіркелген жері жөніндегі мәліметтерді тексерудің онлайн-сервисін іске асыру алгоритмі бекітілсін.

2. Облыстардың, республикалық маңызы бар қалалардың және астананың жергілікті атқарушы органдары облыстардың, республикалық маңызы бар қалалардың және астананың тиісті сайлау комиссияларымен бірлесіп, белгіленген тәртіппен онлайн-сервиске қол жеткізу үшін сайлау учаскелері мен сайлау комиссияларының мүшелерін айқындасын, тиісті мәліметтерді 2021 жылғы 4 қаңтарға дейінгі мерзімде Қазақстан Республикасы Орталық сайлау комиссиясына ұсынсын.

3. Қазақстан Республикасы Цифрлық даму, инновациялар және аэроғарыш өнеркәсібі министрлігі «Ұлттық ақпараттық технологиялар» акционерлік қоғамымен (келісім бойынша) бірлесіп, белгіленген тәртіппен «электрондық үкімет» порталында азаматтардың тіркелген жері жөніндегі мәліметтерді тексерудің онлайн-сервисін іске асырсын.

4. Осы бірлескен актінің орындалуын бақылау Қазақстан Республикасы Орталық сайлау комиссиясы Төрағасының орынбасарына және Цифрлық даму, инновациялар және аэроғарыш өнеркәсібі вице-министріне жүктелсін.

5. Осы бірлескен акт оған қол қойылған күнінен бастап қолданысқа енгізіледі.

Қосымша...