2021 жылғы 11 қаңтарға тағайындалған Қазақстан Республикасы Парламенті Мәжілісі депутаттарының сайлауында Қазақстан халқы Ассамблеясы сайлайтын Қазақстан Республикасы Парламенті Мәжілісінің депутаттығына кандидаттардың республикалық бюджет қаражатынан жабылатын шығыстарының мөлшерлерін белгілеу туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 28-бабының 3-тармағына, 33-бабының 2-тармағына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. Қазақстан Республикасы Парламенті Мәжілісінің депутаттығына кандидаттың республикалық бюджет қаражатынан жабылатын шығыстарының мынадай мөлшерлері белгіленсін:

1) бағдарламаны теледидар, радио арқылы баяндау және мерзімді баспасөз және/немесе желілік басылымдарда екі мақала жариялау – 590 000 (бес жүз тоқсан мың) теңге сомасында;

2) сайлау алдындағы көпшілік іс-шараларын өткізу және үгіт материалдарын шығару – 130 000 (жүз отыз мың) теңге сомасында;

3) көлік шығыстары – 150 000 (жүз елу мың) теңге сомасында.

2. Осы қаулы Нұр-Сұлтан қаласының аумақтық сайлау комиссиясына және әкімдігіне жіберілсін.

3. Нұр-Сұлтан қаласының аумақтық сайлау комиссиясы осы қаулыны Қазақстан халқы Ассамблеясы сайлайтын Қазақстан Республикасы Парламенті Мәжілісінің депутаттығына тіркелген кандидаттардың назарына жеткізсін.

Нұр-Сұлтан қаласы,

2020 жылғы 24 желтоқсан,

№ 53/387