2021 жылғы 10 қаңтарға тағайындалған Қазақстан Республикасы Парламенті Мәжілісі депутаттарының кезекті сайлауында сайлау алдындағы телевизиялық пікірсайыстарды ұйымдастыру және өткізу мәселелері туралы

«Қазақстан Республикасындағы сайлау туралы» Қазақстан Республикасы Конституциялық заңының 27-бабы 3-тармағының 2) тармақшасына және 28-бабының 3-тармағына және «Сайлау алдындағы пікірсайыстарды өткізу қағидалары мен шарттарын бекіту туралы» Қазақстан Республикасы Орталық сайлау комиссиясының 2018 жылғы 25 тамыздағы № 12/198 қаулысына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. 2020 жылғы 30 желтоқсанға тағайындалған саяси партиялардың сайлау алдындағы телевизиялық пікірсайыстары «Хабар» агенттігі» акционерлік қоғамының эфирінде өткізілсін.

2. 2021 жылғы 10 қаңтарға тағайындалған Қазақстан Республикасы Парламенті Мәжілісі депутаттарының кезекті сайлауында сайлау алдындағы телевизиялық пікірсайыстарды өткізу регламенті осы қаулыға 1-қосымшаға сәйкес келісілсін.

3. 2021 жылғы 10 қаңтарға тағайындалған Қазақстан Республикасы Парламенті Мәжілісі депутаттарының кезекті сайлауында сайлау алдындағы телевизиялық пікірсайыстарға қатысушылардың тізімі осы қаулыға 2-қосымшаға сәйкес бекітілсін.

4. Қазақстан Республикасы Орталық сайлау комиссиясының аппараты «Хабар» агенттігі» акционерлік қоғамымен сайлау алдындағы телевизиялық пікірсайыстарды өткізу бойынша шарт жасассын.

5. Осы қаулы Қазақстан Республикасы Парламенті Мәжілісі депутаттарының кезекті сайлауында партиялық тізімдерін ұсынған саяси партиялардың назарына жеткізілсін.

6. Осы қаулының орындалуын бақылау Қазақстан Республикасы Орталық сайлау комиссиясының мүшесі А.Г. Щегорцоваға жүктелсін.

Қосымша...

Нұр-Сұлтан қаласы,

2020 жылғы 15 желтоқсан,

№ 50/380