2021 жылғы 10 қаңтарға тағайындалған Қазақстан Республикасының Парламенті Мәжілісі және мәслихаттары депутаттарының кезекті сайлауы бойынша саяси партияларға дауыс беруге арналған сайлау бюллетеньдері туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12, 26-1 және 37-баптарына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. Саяси партиялардың атауларын сайлау бюллетеніне енгізу туралы жеребе тартуды өткізудің нәтижелері осы қаулыға 1-қосымшаға сәйкес бекiтiлсiн.

2. Парламент Мәжілісі депутаттарының кезекті сайлауы жөнiндегi саяси партияларға дауыс беруге арналған сайлау бюллетенiнің мәтiні осы қаулыға 2-қосымшаға сәйкес бекiтiлсiн.

3. Сайлау бюллетеньдерінің қорғалу дәрежелері белгіленсін:

1) осы қаулыға 3-қосымшаға сәйкес партиялық тізімдер бойынша сайланатын Қазақстан Республикасы Парламенті Мәжілісінің депутаттарын сайлау жөніндегі (қызмет бабында пайдалану үшін);

2) осы қаулыға 4-қосымшаға сәйкес Қазақстан Республикасы мәслихаттарының депутаттарын сайлау жөніндегі (қызмет бабында пайдалану үшін).

4. 2020 жылғы 1 желтоқсандағы жағдай бойынша Сайлаушы азаматтардың бірыңғай электрондық тізіліміне сәйкес Қазақстан Республикасындағы сайлаушылардың жалпы санының бір пайызы резервін қоса, дайындалуға және сайлау учаскелеріне жеткізілуге тиіс сайлау бюллетеньдерінің саны партиялық тізімдер бойынша сайланатын Қазақстан Республикасы Парламенті Мәжілісінің депутаттарын сайлау бойынша 12038433 (он екі миллион отыз сегіз мың төрт жүз отыз үш) дананы құрайтын болып белгіленсін.

5. Облыстық, республикалық маңызы бар қалалардың және астананың сайлау комиссиялары:

1) Қазақстан Республикасы мәслихаттарының депутаттарын сайлау жөніндегі дауыс беруге арналған сайлау бюллетеньдерінің мәтіндерін Қазақстан Республикасы мәслихаттарының депутаттарын сайлауда әрбір сайлау округі бойынша саяси партиялардың тіркелген партиялық тізімдерін ескере отырып, осы қаулыға 1-қосымшаға сәйкес белгіленген тәртіпке сәйкес бекітсін;

2) тиісті округтегі сайлаушылардың жалпы санының бір пайызы резервін қоса дайындалатын Қазақстан Республикасы мәслихаттарының депутаттарын сайлау жөніндегі дауыс беруге арналған сайлау бюллетеньдерінің саны 2020 жылғы 1 желтоқсандағы жағдай бойынша Сайлаушы азаматтардың бірыңғай электрондық тізіліміне сәйкес белгіленсін;

3) осы қаулыға 4-қосымшаға сәйкес Қазақстан Республикасы мәслихаттары депутаттарының кезекті сайлауы жөніндегі сайлау бюллетеньдерін дайындауды қамтамасыз етсін;

4) Қазақстан Республикасының Парламенті Мәжілісі және мәслихаттары депутаттарының сайлауы жөніндегі сайлау бюллетеньдерін сайлау учаскелеріне уақтылы жеткізуді қамтамасыз етсін.

6. Осы қаулының орындалуын бақылау Қазақстан Республикасы Орталық сайлау комиссиясының хатшысы С.С. Мұстафинаға жүктелсін.

Қосымша...

Нұр-Сұлтан қаласы,

2020 жылғы 10 желтоқсан,

№ 46/375