Қазақстан Республикасы Парламенті Мәжілісінің депутаты Н.О. Дулатбековтың өкілеттігін тоқтатуға әкелетін негіздің туындағаны туралы

Қазақстан Республикасы Конституциясының 52-бабына, «Қазақстан Республикасының Парламенті және оның депутаттарының мәртебесі туралы» 1995 жылғы 16 қазандағы Қазақстан Республикасы Конституциялық Заңының 24-бабы 2, 3 және 8-тармақтарына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. Қазақстан Республикасы Білім және ғылым министрдің «Н.О. Дулатбековты тағайындау туралы» 2020 жылғы 26 тамыздағы № 129-жқ бұйрығының қабылдануына байланысты Қазақстан Республикасы Парламенті Мәжілісінің депутаты Нұрлан Орынбасарұлы Дулатбековтың өкілеттігін мерзімінен бұрын тоқтатуға әкелетін негіз туындады деп белгіленсін.

2. Қазақстан Республикасы Парламенті Мәжілісінің депутаты Н.О. Дулатбековтың өкілеттігін мерзімінен бұрын тоқтату туралы ұсыным Қазақстан Республикасы Парламентінің Мәжілісіне енгізілсін.

Ұсыным...

Нұр-Сұлтан қаласы,

2020 жылғы 28 тамыз

№ 20/320