Қазақстан Республикасы Парламенті Сенатының депутаттарын сайлауды өткізу кезінде коронавирустық инфекцияның таралуының алдын алу жөніндегі ұсынымдарды бекіту туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12-бабының 1) тармақшасына сәйкес Қазақстан Республикасы Орталық сайлау комиссиясы және Қазақстан Республикасының Бас мемлекеттік санитарлық дәрігері ҚАУЛЫ ЕТЕДІ:

1. Қоса беріліп отырған Қазақстан Республикасы Парламенті Сенатының депутаттарын сайлауды өткізу кезінде коронавирустық инфекцияның таралуының алдын алу жөніндегі ұсынымдар бекітілсін.

2. Облыстардың, республикалық маңызы бар қалалардың және Республика астанасының аумақтық сайлау комиссиялары облыстардың, республикалық маңызы бар қалалардың және астананың Бас мемлекеттік санитарлық дәрігерлерімен бірлесіп, өңірлердегі санитарлық-эпидемиологиялық жағдайды ескере отырып, сайлау процесінің санитарлық қауіпсіздігін қамтамасыз етсін.

3. Осы бірлескен қаулы облыстардың, республикалық маңызы бар қалалардың және Республика астанасының жергілікті атқарушы органдарына, Бас мемлекеттік санитарлық дәрігерлеріне және аумақтық сайлау комиссияларына жіберілсін.

4. Осы бірлескен қаулы қол қойылған күнінен бастап қолданысқа енгізіледі.

Қосымша...

Қазақстан Республикасы

Орталық сайлау комиссиясының

Төрағасы                                                                                   Б. Имашев

Қазақстан Республикасының

Бас мемлекеттік санитарлық

дәрігері                                                                                  А. Есмағамбетова

Нұр-Сұлтан қаласы,

2020 жылғы 24 шілде

№ 16/313