«Қазақстан Республикасы Орталық сайлау

комиссиясының жанындағы Сарапшылық-әдістемелік

кеңес жөніндегі ережені бекіту туралы»

Қазақстан Республикасы Орталық сайлау комиссиясының

2018 жылғы 24 мамырдағы № 7/184 қаулысына өзгерістер енгізу туралы

«Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасы Конституциялық заңының 12-бабының 1) тармақшасына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. «Қазақстан Республикасы Орталық сайлау комиссиясының жанындағы Сарапшылық-әдістемелік кеңес жөніндегі ережені бекіту туралы» Қазақстан Республикасы Орталық сайлау комиссиясының 2018 жылғы 24 мамырдағы № 7/184 қаулысына мынадай өзгерістер енгізілсін:

қөрсетілген қаулымен бекітілген Қазақстан Республикасы Орталық сайлау комиссиясының жанындағы Сарапшылық–әдістемелік кеңес жөніндегі ережеге:

14-тармақ мынадай редакцияда жазылсын:

«Сарапшылық-әдістемелік кеңестің мүшесін қабылдау және оның құрамынан шығару туралы шешімді Комиссияның Төрағасы қабылдайды.»;

15-тармақ мынадай редакцияда жазылсын:

«Сарапшылық-әдістемелік кеңестің жұмыс органы Сарапшылық-әдістемелік кеңестің жұмысын ұйымдық-техникалық қамтамасыз етуді жүзеге асыратын сайлау процесін ұйымдастыру бөлімі болып табылады.»;

қөрсетілген қаулымен бекітілген Қазақстан Республикасы Орталық сайлау комиссиясының жанындағы Сарапшылық–әдістемелік кеңес жөніндегі ережеге 2-қосымша осы қаулыға қосымшаға сай жаңа редакцияда жазылсын.

2. Осы қаулы оған қол қойылған күнінен бастап қолданысқа енгізіледі.

Қосымша...

Қазақстан Республикасы

Орталық сайлау комиссиясының

Төраға                                                                                         Б. Имашев

Қазақстан Республикасы

Орталық сайлау комиссиясының

Хатшы.                                                                                        С. Мұстафина

Нұр-Сұлтан қаласы,

2020 жылғы 25 ақпан

№ 4/298