2019 жылғы 9 маусымға тағайындалған Қазақстан Республикасы Президентінің кезектен тыс сайлауында сайлау алдындағы пікірталастар мен пікірсайыстарды өткізу туралы

«Қазақстан Республикасындағы сайлау туралы» Қазақстан Республикасы Конституциялық заңының 12-бабының 1) тармақшасына, 27-бабының 3-тармағының 2) тармақшасына және 28-бабының 3-тармағына және «Сайлау алдындағы пікірсайыстарды өткізу қағидалары мен шарттарын бекіту туралы» Қазақстан Республикасы Орталық сайлау комиссиясының 2018 жылғы 25 тамыздағы № 12/198 қаулысына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. 2019 жылғы 29 мамырда «Хабар» агенттігі» акционерлік қоғамының телевизиялық арнасы эфирінде пікірталастар мен пікірсайыстар өткізілсін.

2. 2019 жылғы 9 маусымға тағайындалған Қазақстан Республикасы Президентінің сайлауында сайлау алдындағы телевизиялық пікірталастар мен пікірсайыстарды өткізу регламенті келісілсін.

3. Осы қаулы Қазақстан Республикасының Президенттігіне кандидаттардың штабтары мен «Хабар» агенттігі» акционерлік қоғамының назарына жеткізілсін.

4. Қазақстан Республикасы Орталық сайлау комиссиясының аппараты «Хабар» агенттігі» акционерлік қоғамымен сайлау алдындағы телевизиялық пікірталастар мен пікірсайыстарды өткізу бойынша шарт жасассын.

5. Осы қаулының орындалуын бақылау Қазақстан Республикасы Орталық сайлау комиссиясының мүшесі Л.Ж. Сүлейменге жүктелсін.

Қосымша...

Қазақстан Республикасы

Орталық сайлау комиссиясының

Төрағасы                                                                                   Б. Имашев

Қазақстан Республикасы

Орталық сайлау комиссиясының

хатшысы                                                                                   С. Мұстафина

Нұр-Сұлтан қаласы,

2019 жылғы 24 мамыр

№ 36/271