2019 жылғы 9 маусымға тағайындалған Қазақстан Республикасы Президентінің кезектен тыс сайлауында Жұматай Әлиевті Қазақстан Республикасының Президенттігіне кандидат ретінде тіркеуден бас тарту туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 54-бабына, 59-бабының 7-тармағының 3) тармақшасына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. Қазақстан Республикасының Президенттігіне кандидат Жұматай Әлиев Қазақстан Республикасының Конституциясында және «Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңында оған қойылған талаптарға сәйкес емес деп белгіленсін.

2. Жұматай Әлиевті Қазақстан Республикасының Президенттігіне кандидат ретінде тіркеуден бас тартылсын.

Қазақстан Республикасы

Орталық сайлау комиссиясының

Төрағасы                                                                                   Б. Имашев

Қазақстан Республикасы

Орталық сайлау комиссиясының

хатшысы                                                                                   С. Мұстафина

Нұр-Сұлтан қаласы,

2019 жылғы 2 мамыр

№ 23/256