2019 жылғы 9 маусымға тағайындалған Қазақстан Республикасы Президентінің кезектен тыс сайлауында мүмкіндіктері шектеулі азаматтардың дауыс беруін қамтамасыз етудің кейбір мәселелері туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 12-бабының 1), 2), 5) тармақшаларына, Қазақстан Республикасы Президентінің 1996 жылғы 11 қарашадағы № 3205 Жарлығымен бекітілген Қазақстан Республикасы Орталық сайлау комиссиясы туралы Ереженің 15-тармағының 70) тармақшасына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. Облыстардың, республикалық маңызы бар қалалардың және Қазақстан Республикасы астанасының, аудандардың, қалалардың, қаладағы аудандардың әкімдеріне мүмкіндіктері шектеулі азаматтар болып табылатын сайлаушылардың қажеттіліктерін ескере отырып, сайлау учаскелерін жарақтандыруды қамтамасыз ету жөніндегі шараларды қабылдау ұсынылсын.

2. Қазақстан Республикасы Еңбек және халықты әлеуметтік қорғау министрлігі «Қолжетімді орта» интерактивті порталында сайлау учаскелері туралы мәліметтерді өзектендірсін.

3. Осы қаулы бұқаралық ақпарат құралдарында жариялансын.

4. Осы қаулының орындалуын бақылау Қазақстан Республикасы Орталық сайлау комиссиясының мүшесі Л.Ж. Сүлейменге жүктелсін.

Қазақстан Республикасы

Орталық сайлау комиссиясының

Төрағасы                                                                                   Б. Имашев

Қазақстан Республикасы

Орталық сайлау комиссиясының

хатшысы                                                                                   С. Мұстафина

Нұр-Сұлтан қаласы,

2019 жылғы 22 сәуір

№ 15/243