Қазақстан Республикасының Президенті өкілеттігінің Қ.К. Тоқаевқа көшкені туралы

Қазақстан Республикасы Конституциясының 48-бабының 1-тармағын, «Қазақстан Республикасының Президенті туралы» 1995 жылғы 26 желтоқсандағы № 2733 Қазақстан Республикасы Конституциялық заңының 3-бабының 2-тармағын басшылыққа ала отырып, «Қазақстан Республикасы Президентінің өкілеттігін атқару туралы» Қазақстан Республикасы Президентінің 2019 жылғы 19 наурыздағы № 887 Жарлығының негізінде Қазақстан Республикасы Орталық сайлау комиссиясы ҚАУЛЫ ЕТЕДІ:

1. 2015 жылғы 26 сәуірде жалпыға бірдей, тең және төте сайлау құқығы негізінде жасырын дауыс беру жағдайында бес жыл мерзімге сайланған Қазақстан Республикасының Президенті өкілеттігінің қалған мерзіміне Қазақстан Республикасы Президентінің өкілеттігі Қасым-Жомарт Кемелұлы Тоқаевқа көшкені танылсын.

2. Қазақстан Республикасының Президенті Қасым-Жомарт Кемелұлы Тоқаевтың халыққа ант беру күні 2019 жылғы 20 наурыз болып айқындалсын.

Қазақстан Республикасы

Орталық сайлау комиссиясының

Төрағасы                                                                                   Б. Имашев

Қазақстан Республикасы

Орталық сайлау комиссиясының

хатшысы                                                                                   С. Мұстафина

Астана қаласы,

2019 жылғы 20 наурыз

№ 9/231