Алматы облысынан Қазақстан Республикасы

Парламенті Сенатының шығып қалған депутатының орнына

сайлауды тағайындау туралы

«Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасы Конституциялық Заңының 12-бабы 13) тармақшасына, 69-бабы 1-тармағының 3) тармақшасына, 4-тармағына және 83-бабының 1-тармағына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. Алматы облысынан Қазақстан Республикасы Парламенті Сенатының шығып қалған депутатының орнына сайлау 2016 жылғы 1 шілдеге тағайындалсын.

2. Қоса беріліп отырған Алматы облысынан Қазақстан Республикасы Парламенті Сенатының шығып қалған депутатының орнына 2016 жылғы 1 шілдеге тағайындалған сайлауды әзірлеу мен өткізу жөніндегі негізгі іс-шаралардың күнтізбелік жоспары бекітілсін.

3. Осы қаулы сайлауды ұйымдастыру мен өткізуді қамтамасыз ету үшін Алматы облыстық сайлау комиссиясына жіберілсін.

4. Осы қаулы бұқаралық ақпарат құралдарында жариялансын.

Қосымша

Төраға                                                                                     Қ. Тұрғанқұлов

Хатшы                                                                                    Б. Мелдешов

Астана қаласы

2016 жылғы 16 мамыр

№ 34/130