2016 жылғы 20 наурызға тағайындалған

Қазақстан Республикасы Парламенті Мәжілісінің депутаттарын

сайлауда партиялық тізімдерін ұсынған саяси партиялардың

саяси пікірсайысын ұйымдастыру туралы

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық  заңының     12, 27 және 28-баптарына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. 2016 жылғы 20 наурызға тағайындалған Қазақстан Республикасы Парламенті Мәжілісінің депутаттарын сайлауда партиялық тізімдерін ұсынған саяси партиялардың саяси пікірсайысы (бұдан әрі – саяси пікірсайыс) «Хабар» теледидар арнасында ұйымдастырылсын және 2016 жылғы 16 наурызда өткізілсін.

2. Қоса беріліп отырған Саяси пікірсайыс өткізудің регламенті бекітілсін.

3. Осы қаулы  2016 жылғы 20 наурызға тағайындалған Қазақстан Республикасы Парламенті Мәжілісінің депутаттарын сайлауда партиялық тізімдерін ұсынған саяси партиялардың назарына жеткізілсін.

4. Осы қаулының орындалуын бақылау Қазақстан Республикасы Орталық сайлау комиссиясының мүшесі Л.Ж. Сүлейменге жүктелсін.

Қосымша

Төраға                                                                       Қ. Тұрғанқұлов

Хатшы                                                                       Б. Мелдешов

Астана қаласы

2016 жылғы 14 наурыз

№ 27/122