2016 жылғы 21 наурызға тағайындалған

Қазақстан Республикасы Парламенті Мәжілісі депутаттарының

кезектен тыс сайлауында Қазақстан халқы Ассамблеясы сайлайтын Қазақстан Республикасы Парламенті Мәжілісінің депутаттығына кандидаттардың республикалық бюджет қаражатынан жабылатын шығыстарының мөлшерлерін белгілеу туралы

 

«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 28-бабының 3-тармағына, 33-бабының 2-тармағына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ:

1. Қазақстан Республикасы Парламенті Мәжілісінің депутаттығына кандидаттың республикалық бюджет қаражатынан жабылатын шығыстарының мынадай мөлшерлері белгіленсін:

1) сайлау алдындағы бағдарламаны теледидар арқылы баяндау – 139000 (жүз отыз тоғыз мың) теңге сомасында;

2) бағдарламаны радио арқылы баяндау – 82000 (сексен екі мың) теңге сомасында;

3) баспа басылымдарында екі мақала жариялау – 178000 (жүз жетпес сегіз мың) теңге сомасында;

4) сайлаушылармен кездесулер үшін үй-жайлар жалдау – 33000 (отыз үш мың) теңге сомасында;

5) үгіттiк баспа материалдарын басып шығару – 66000 (алпыс алты мың) теңге сомасында;

6) көліктік шығыстар – 132000 (жүз отыз екі мың) теңге сомасында.

2. Осы қаулы Астана қаласының сайлау комиссиясына жіберілсін.

3. Астана қаласының сайлау комиссиясы осы қаулыны Қазақстан халқы Ассамблеясы сайлайтын Қазақстан Республикасы Парламенті Мәжілісінің депутаттығына тіркелген кандидаттардың назарына жеткізсін.

 

 

Төраға                                                                   Қ. Тұрғанқұлов

 

Хатшы                                                                   Б. Мелдешов

 

 

Астана қаласы

2016 жылғы 2 наурыз

№ 22/113