2026 жылғы 29 қарашаға тағайындалған

 қазақстан республикасы мәслихаттары депутаттарының кезектен тыс 

сайлауында астананың, облыстардың және республикалық маңызы бар 

қалалар мәслихаттарының депутаттығына кандидаттың  

республикалық бюджет қаражатынан жабылатын шығыстарының

 мөлшерлерін белгілеу туралы

«Қазақстан Республикасындағы сайлау туралы» Қазақстан Республикасының Конституциялық заңының 28-бабының 3-тармағына, 33-бабының 2-тармағына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:

1. Астана, облыстардың және республикалық маңызы бар қалалар мәслихаттарының депутаттығына кандидаттың республикалық бюджет қаражатынан жабылатын шығыстарының мынадай мөлшерлері белгіленсін:

1) бағдарламаны теледидар, радио арқылы баяндауға және мерзімді баспасөз немесе желілік басылымдарында екі мақала жариялауға – 410 000 (төрт жүз он мың) теңге;

2) сайлау алдындағы жария іс-шараларды өткізуге және үгіт материалдарын шығаруға – 180 000  (жүз сексен мың) теңге;

3) көліктік шығыстарға - 110 000  (жүз он мың) теңге.

2. Осы қаулы астананың, облыстардың және республикалық маңызы бар қалалардың сайлау комиссияларына жіберілсін. 

3. Астананың, облыстардың және республикалық маңызы бар қалалардың сайлау комиссиялары осы қаулыны аумақтық және округтік сайлау комиссияларының, астананың, облыстардың, республикалық маңызы бар қалалар  мәслихаттарының депутаттығына бірмандаттық аумақтық сайлау округтері бойынша тіркелген кандидаттардың назарына жеткізсін.

4. Осы қаулы Қазақстан Республикасы Орталық сайлау комиссиясының интернет-ресурсында жариялансын.

Астана қаласы

2026 жылғы 26 қазан

№ 66/117