2026 жылғы 23 тамызға тағайындалған

Қазақстан Республикасы Құрылтайының депутаттарын сайлауды 

өткізу кезінде мүгедектігі бар адамдар үшін жағдайларды 

қамтамасыз ету туралы 

Қазақстан Республикасының 2015 жылғы 20 ақпандағы № 288-V ҚРЗ Заңымен ратификацияланған Мүгедектердің құқықтары туралы конвенцияға, «Қазақстан Республикасындағы сайлау туралы» Қазақстан Республикасы Конституциялық Заңының 12-бабының, 1), 2) және 7) тармақшаларына, 48-бабының 2-1) тармағына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ: 

1. Қазақстан Республикасы Құрылтайының депутаттарын сайлауда партиялық тізімдерін ұсынған саяси партияларға сайлау алдындағы үгітті жүргізу кезеңінде дауыс беру кезінде ерекше жағдайлар талап етілетін (көру қабілеті бойынша мүгедектігі бар, есту қабілеті бойынша мүгедектігі бар, тірек-қимыл аппаратының функциялары бұзылған) мүгедектігі бар сайлаушылар үшін үгіттік 

іс-шаралар мен материалдардың қолжетімділігі жағдайларын көздеу ұсынылсын.

2. Астананың, облыстардың, республикалық маңызы бар қалалардың жергілікті атқарушы органдары:

2.1. Қазақстан Республикасы Орталық сайлау комиссиясының 2012 жылғы 

23 қазандағы № 21/183 қаулысымен бекітілген Сайлау учаскесінде дауыс беруге арналған үй-жайды жабдықтау жөніндегі нұсқаулыққа және Қазақстан Республикасы Орталық сайлау комиссиясының 2018 жылғы 21 желтоқсандағы 

№ 24/217 қаулысымен бекітілген Мүгедектігі бар азаматтардың сайлау құқықтарын қамтамасыз ету жөніндегі ұсынымдарға сәйкес мүгедектігі бар адамдардың дауыс беруі үшін сайлау учаскелерінің қолжетімділігін қамтамасыз ету бойынша қажетті шараларды көздесін;

2.2. тиісті аумақтық сайлау комиссияларымен бірлесе отырып, сондай-ақ мүгедектігі бар адамдардың қоғамдық бірлестіктерінің өңірлік өкілдерін тарта отырып, мүгедектігі бар сайлаушылардың үш санаты үшін (есту, көру қабілеті бойынша және тірек-қимыл аппаратының функциялары бұзылған) ерекше жағдайларды жасау қажеттігін ескере отырып, дауыс беруге арналған сайлау учаскелерінің мониторингін жүргізсін және қажет болған жағдайда қосымша шаралар қабылдасын. 

3. Қазақстан Республикасының Еңбек және халықты әлеуметтік қорғау министрлігі жергілікті атқарушы органдармен бірлесіп, есту қабілеті бойынша, көру қабілеті бойынша, тірек-қимыл аппараты бұзылған мүгедектігі бар сайлаушылар туралы мәліметтерді, сондай-ақ Интерактивті қолжетімділік картасындағы сайлау учаскелері туралы мәліметтерді жаңартсын.

4. Астананың, облыстардың, республикалық маңызы бар қалалардың аумақтық сайлау комиссиялары өз құзыреті шегінде уәкілетті мемлекеттік органдардың дауыс беру кезінде ерекше жағдайларды қажет ететін мүгедектігі бар адамдардың сайлау құқықтарын іске асыру үшін қажетті жағдайлар жасау жөніндегі шараларды қабылдауын бақылауды қамтамасыз етсін. 

5. Осы қаулы Қазақстан Республикасы Орталық сайлау комиссиясының интернет-ресурсында жариялансын.

6. Осы қаулының орындалуын бақылау Қазақстан Республикасы Орталық сайлау комиссиясының мүшесі Л.К. Сүйіндікке жүктелсін. 

Астана қаласы

2026 жылғы 14 шілде

№ 33/62