«Қазақстан Республикасындағы сайлау туралы» Қазақстан Республикасының 1995 жылғы 28 қыркүйектегі Конституциялық заңының 20-1-бабына сәйкес, Қазақстан Республикасы Сыртқы істер министрлігінің 2005 жылғы 24 қарашадағы № 16-1-2/2370 хатының, ЕҚЫҰ/ДИАҚБ Миссиясының 2005 жылғы 24 қарашадағы қолдаухатының негізінде Қазақстан Республикасы Орталық сайлау комиссиясы ҚАУЛЫ ЕТЕДІ:

1. Қоса беріліп отырған тізімге сай 2005 жылғы 4 желтоқсанға хабарланған Қазақстан Республикасы Президентінің сайлауына Қазақстан Республикасы Орталық сайлау комиссиясының жанында ЕҚЫҰ/ДИАҚБ байқаушыларын тіркеудің күші жойылсын және берілген куәліктер кері қайтарылсын.
2. «2005 жылғы 4 желтоқсанға хабарланған Қазақстан Республикасы Президентінің сайлауына халықаралық ұйымдардың, шет мемлекеттердің байқаушыларын тіркеу туралы» Қазақстан Республикасы Орталық сайлау комиссиясының 2005 жылғы 20 қарашадағы № 14/33-9 қаулысына мынадай өзгерістер енгізілсін: аталған қаулымен бекітілген 2005 жылғы 4 желтоқсанға хабарланған Қазақстан Республикасы Президентінің сайлауына Қазақстан Республикасы Орталық сайлау комиссиясының жанында тіркелген халықаралық ұйымдардың, шет мемлекеттердің байқаушыларының тізімінде: «ЕҚЫҰ/ДИАҚБ Миссиясы» деген 2-бөлімде реттік нөмірлері 58, 169, 232 және 235-жолдар (Максимилиан Хеннинг, Раин Шлиф, Алексей Островский, Камила Давлетова) алынып тасталсын.
3. Осы қаулы Қазақстан Республикасы Сыртқы істер министрлігіне, Қазақстан Республикасы Ішкі істер министрлігіне, ЕҚЫҰ/ДИАҚБ Миссиясына, сондай-ақ облыстық, Астана және Алматы қалалық сайлау комиссияларына жіберілсін.
4. Осы қаулының орындалуын бақылау Қазақстан Республикасы Орталық сайлау комиссиясының мүшесі Т.В. Охлопковаға жүктелсін.

Қазақстан Республикасы
Орталық сайлау комиссиясының
Төрағасы О. Жұмабеков

Астана қаласы, 2005 жылғы 26 қараша
№ 47/98