САЙЛАУ УЧАСКЕСІ (дауыс беруге арналған пункт) – жасырын дауыс беруге арналған кабиналармен, стационарлық және тасымалданатын сайлау жәшіктерімен жабдықталған үй-жайда арнайы бөлінген орын. Әрбір сайлау учаскесінің өз нөмірі бар. Оларда сайлау комиссиясының мүшелеріне үшін үстелдер мен орындықтар, байқаушыларға, сенім білдірілген адамдар мен бұқаралық ақпарат құралдары өкілдеріне арналған орындықтар, сайлау немесе референдум өткізуге қажетті басқа да жабдықтар мен материалдар көзделеді. Сайлау учаскелерінде кандидаттар, партиялық тізімдерін ұсынған саяси партиялар туралы  мәліметтерді қоса алғанда, тиісті ақпараты бар ақпараттық стендтер де орнатылған. Бұдан басқа, сайлау учаскелері мүмкіндігі шектеулі азаматтардың қол жетімділігін қамтамасыз ету қажеттілігін ескере отырып жабдықталады.