07.02.2024 |
2024 жылғы 5-6 ақпанда Қазақстан Республикасының Орталық сайлау
комиссиясы аумақтық сайлау комиссияларының жаңадан сайланған
мүшелері үшін оқыту семинарын өткізді.
2024 жылғы 5-6 ақпанда Қазақстан Республикасының Орталық сайлау комиссиясы Электоралдық оқыту орталығының базасында аумақтық сайлау комиссияларының жаңа мүшелері үшін «Қазақстан Республикасында сайлау процесін ұйымдастырудың теориялық және практикалық негіздері» тақырыбында бірінші оқыту семинарын өткізді. Семинарға республиканың 18 облысынан 66 адам қатысты.
Оқыту курсының негізгі спикерлері Қазақстан Республикасы Орталық сайлау комиссиясы Төрағасының орынбасары Константин Петров, Орталық сайлау комиссиясының мүшелері Сәбила Мұстафина, Анастасия Щегорцова, Асылбек Смағұлов, Шавхат Өтемісов болды.
Қазақстан Республикасы Орталық сайлау комиссиясының мүшелері аумақтық сайлау комиссияларының заманауи сайлау жүйесіндегі рөлін, құқықтық жауапкершілігін түсіндіріп, Қазақстан Республикасының сайлау заңнамасын жетілдіру мәселелерін талқылады.
Сондай-ақ тыңдаушыларды Қазақстан Республикасындағы электоралдық білім беруді дамытудың қорытындыларымен және перспективасымен, сайлауды мемлекеттік және мемлекеттік емес қаржыландыру нысандарымен таныстырып, сайлау науқандарын ақпараттық сүйемелдеудің негізгі аспектілерін, сайлауалды үгіт, байқаушылардың қызметін қамтамасыз ету мәселелерін ашып көрсетті.
Семинарға қатысушыларға Қазақстан Республикасындағы сайлауды халықаралық байқау туралы ақпарат беріліп, сайлау барысында байқаушылар анықтаған негізгі ескертулер талданды, сайлау комиссиясы мүшесінің портреті түсіндірілді, кәсіби коммуникацияда, мақсат қоюда және уақытты басқаруда тиімді коммуникацияларды құру техникасы бойынша тренингтер өткізілді.
Сондай-ақ тыңдаушылар шағын топтарда практикалық жағдайларды талдады, бұл семинар қатысушыларына ситуацияларды модельдеуге ғана емес, сонымен қатар алған білімдерін қолдануға мүмкіндік берді. Тындаушыларды тестілеу олардың сайлау заңнамасын және сайлау процесін ұйымдастырудың құқықтық негіздерін білу деңгейін анықтауға мүмкіндік берді.
Оқу курсын аяқтаған соң барлық 66 семинарға қатысушы тиісті сертификаттарын алды.