Орталық сайлау комиссиясы шығып қалғанның орнына Қостанай облысынан Парламенті Сенаты депутатын тіркеді

2023 жылғы 26 желтоқсанда Қазақстан Республикасы Орталық сайлау комиссиясының «Қостанай облысынан Қазақстан Республикасы Парламенті Сенатының шығып қалған депутатының орнына 2023 жылғы 20 желтоқсанда сайланған депутатты тіркеу туралы» қаулысын қабылдау бойынша отырысы өтті.

«Қазақстан Республикасындағы сайлау туралы» Қазақстан Республикасы Конституциялық Заңының 12, 45, 46 және 82-баптарына сәйкес, Қостанай облысынан Қазақстан Республикасы Парламенті Сенатының шығып қалған депутатының орнына сайлау жөніндегі дауыстарды санау нәтижелері туралы Қостанай облыстық сайлау комиссиясы хаттамасының және «Қостанай облысынан Қазақстан Республикасы Парламенті Сенатының шығып қалған депутатының орнына 2023 жылғы 20 желтоқсанда болған сайлаудың қорытындыларын анықтау және жариялау туралы» Қазақстан Республикасы Орталық сайлау комиссиясының 2023 жылғы 21 желтоқсандағы № 105/807 қаулысының негізінде Қазақстан Республикасының Орталық сайлау комиссиясы Бибігүл  Бүркітқызы  Аққожинаны Қазақстан Республикасы Парламенті Сенатының депутаты ретінде тіркеуге қаулы етті.

Сондай-ақ, осы күні Орталық сайлау комиссиясында Б.Б. Аққожинаға Қазақстан Республикасы Парламент депутатының куәлігі мен төсбелгісін табыс етті.