12.10.2023 |
Нұрлан Әбдіров Дүниежүзілік сайлау органдары қауымдастығын
10 жылдық мерейтойымен құттықтады
2023 жылғы 12 қазанда Қауымдастықтың 10 жылдығына арналған Дүниежүзілік сайлау органдары қауымдастығының (a-WEB) мерейтойлық конференциясы өтті.
ҚР Орталық сайлау комиссиясының Төрағасы Нұрлан Әбдіров конференцияның қатысушыларына бейне құттықтау жолдады, онда бүкіл әлемдегі сайлау органдары арасындағы ынтымақтастықты нығайту жөніндегі қауымдастықтың көпжылдық және табысты қызметіне тоқталды.
ОСК басшысы Қауымдастық сайлау процестері саласында, сондай-ақ сайлауға деген сенімділікті арттыру элементі ретінде заманауи ақпараттық технологияларды пайдалану саласында тәжірибе алмасу үшін беделді платформаға айналғанын айрықша атап өтті.
Нұрлан Әбдіров ағымдағы жылы Қазақстан Республикасы Орталық сайлау комиссиясының құрылғанына 30 жыл толатынын айтып, Дүниежүзілік сайлау органдары қауымдастығының өкілдерін 7-8 желтоқсанда Астана қаласында өтетін «Конституциялық реформа және сайлау жүйесі» атты халықаралық ғылыми-практикалық конференциясына қатысуға шақырды.
Бейне құттықтауға сілтеме:
https://drive.google.com/file/d/1zBtlKPkIRmQPD2VKbp8bJge3wbfv1vYN/view?usp=sharing
Анықтама:
Дүниежүзілік сайлау органдарының қауымдастығы сайлауды басқару саласындағы әлемдегі ең ірі халықаралық ұйым. Қазіргі уақытта оған 111 елдің 121 сайлауды басқару органы кіреді.
Қазақстан Республикасының Орталық сайлау комиссиясы 2013 жылғы қазанда құрылған сәттен бастап Дүниежүзілік сайлау органдары қауымдастығының мүшесі.