ҚР Президенттігіне кандидаттар Б. М. Жаңабаев, Н. Б. Әлтаев, 

Ж. Әлиевты тіркеуден бас тарту туралы Ортсайлаукомның отырысы

 

2022 жылғы 21 қазанда Нұрлан Әбдіровтің төрағалығымен Қазақстан Республикасы Орталық сайлау комиссиясының отырысы өтті. Оған мемлекеттік органдардың, саяси партиялардың, үкіметтік емес ұйымдардың, БАҚ өкілдері, сондай-ақ БКС-режимінде аумақтық сайлау комиссияларының мүшелері қатысты.  

Күн тәртібінің бірінші мәселесі бойынша Ортсайлауком мүшесі Сәбила Мұстафина баяндама жасады. Ол Бақыт Маратұлы Жаңабаевтың «ҚР сайлау туралы» КЗ талаптарына сәйкес Президенттікке кандидатты тіркеу үшін кандидаттың және оның жұбайының активтері мен міндеттемелері туралы декларация тапсырғаны туралы анықтамасы және денсаулық жай-күйі туралы медициналық қорытынды ұсынғанын хабарлады. 

Аумақтық сайлау комиссияларының хаттамаларына сәйкес кандидатты қолдау үшін 58 889 қолдар жиналды. Тексеру нәтижелері бойынша 4 054 қол рас деп танылды. Бұл сайлаушылардың жалпы санының кемінде бір пайызы. 

Осылайша, сайлау туралы Конституциялық заңның 56-бабы 2-тармағының кандидатты қолдауға сайлаушылардың қажетті қолдарын саны туралы талабы орындалмады.  

Анықтама: «Қазақстан Республикасындағы сайлау туралы» ҚР Конституциялық заңының 56-бабының 2-тармағына сәйкес кандидатты облыстардың, республикалық маңызы бар қалалардың және Республика астанасының кем дегенде үштен екiсiнiң атынан теңдей өкiлдiк ететiн сайлаушылардың жалпы санының кем дегенде бiр процентi қолдауға тиiс (118 273 қол). 

ҚР ОСК қаулысымен 2022 жылғы 20 қарашаға тағайындалған Қазақстан Республикасы Президентінің кезектен тыс сайлауына Бақыт Маратұлы Жанабаевты Қазақстан Республикасы Президенттігіне кандидат ретінде тіркеуден бас тартылды. 

Күн тәртібінің екінші мәселесі бойынша Ортсайлауком мүшесі Шавқат Өтемісов баяндама жасады. Ол Нұржан Бауыржанұлы Әлтаевты 2022 жылғы 6 қазанда «Мұқалмас» РҚБ ұсынғанын хабарлады. 

2022 жылғы 11 қазандағы Астана қаласы Байқоңыр ауданы сотының ұйғарымымен Н.Б. Әлтаевты Қазақстан Республикасының Президенттігіне кандидат етіп ұсыну туралы «Мұқалмас» РҚБ хаттамасының қолданылуы тоқтатылғанына байланысты ОСК ағымдағы жылғы 12 қазанда Конституция мен «ҚР сайлау туралы» Конституциялық заң талаптарына сәйкестігін белгілеу рәсімін тоқтатты.  

2022 жылғы 17 қазанда сот өз шешімімен жоғарыда аталған хаттаманы жарамсыз деп таныды. 

Осылайша, қазіргі уақытта ОСК қарамағында Н.Б. Әлтаевты Қазақстан Республикасының Президенттігіне кандидат етіп ұсыну туралы қолданыстағы құжат жоқ. Осының негізінде ОСК Н.Б. Әлтаевты «ҚР сайлау туралы» Конституциялық Заңының 54-бабында белгіленген талаптарға сәйкес келмейтінін анықтады және оны Қазақстан Республикасының Президенттігіне кандидат ретінде тіркеуден бас тартты. 

Күн тәртібінің үшінші мәселесі бойынша Орталық сайлау комиссиясының мүшесі Анастасия Щегорцова баяндама жасады. Ол Жұматай Әлиевтің  «ҚР сайлау туралы» КЗ талаптарына сәйкес Президенттікке кандидат тіркеу үшін кандидаттың активтері мен міндеттемелері туралы декларация тапсырғаны туралы анықтаманы және денсаулық жағдайы туралы медициналық қорытынды ұсынғанын хабарлады. Бұл ретте ұсынылған медициналық қорытынды ҚР ОСК 13.04.2019 ж. № 12/236 бірлескен нормативтік қаулысымен және ҚР ДСМ 13.04.2019 ж. № КР ДСМ-32 бұйрығымен бекітілген белгіленген нысанға сәйкес келмейді. 

Аумақтық сайлау комиссияларының хаттамаларына сәйкес кандидатты қолдау үшін 187 723 қолдар жиналды. Тексеру нәтижесінде 36 776 қолдар рас деп танылды. Бұл сайлаушылардың жалпы санының кемінде бір пайызы. 

Осылайша, сайлау туралы Конституциялық заңның 56-бабы 2-тармағының кандидатты қолдауға сайлаушылардың қажетті қолдарын саны туралы талабы орындалмады.  

Анықтама: «ҚР сайлау туралы» КЗ сәйкес кандидатты облыстардың, республикалық маңызы бар қалалардың және Республика астанасының кем дегенде үштен екiсiнiң атынан теңдей өкiлдiк ететiн сайлаушылардың жалпы санының кем дегенде бiр процентi қолдауға тиiс (118 273 қол).

ҚР ОСК қаулысымен 2022 жылғы 20 қарашаға тағайындалған Қазақстан Республикасы Президентінің кезектен тыс сайлауына  Жұматай Әлиевты Қазақстан Республикасы Президенттігіне кандидат ретінде тіркеуден бас тартылды